ყაჩაღური თავდასხმა გლდანში - დაკავებულია 29 წლის მამაკაცი

სამართალი - 09:38, 21 Jun, 2018

2487

შინაგან სამეთა სამინისტროში "ნიუპოსტს" განუცხადეს, რომ გლდანის პირველ მიკრორაიონში მომხდარი ყაჩაღობის ფაქტი გახსნეს.

უწყების ინფორმაციით, დაკავებულია 1989 წელს დაბადებული მამაკაცი, რომელიც ჩადენილ დანაშაულს აღიარებს.

'შინაგან საქმეთა სამინისტროს თბილისის პოლიციის დეპარტამენტის გლდანი-ნაძალადევის სამმართველოს თანამშრომლებმა თბილისში ყაჩაღობის ბრალდებით 1 პირი დააკავეს. ჩადენილი დანაშაული 5-დან 7 წლამდე ვადით თავისუფლების აღკვეთას ითვალისწინებს.

სამართალდამცველებმა, ჩატარებული ოპერატიულ -სამძებრო ღონისძიებების შედეგად, 1989 წელს დაბადებული კ.კ. ცხელ კვალზე დააკავეს.

გამოძიებით დადგინდა, რომ ბრალდებული, „ბერეტას“ სისტემის აირის პისტოლეტის მუქარით, ერთ-ერთი სუპერმარკეტის მოლარისთვის თანხის წართმევას ცდილობდა, რაც ვერ განახორციელა და შემთხვევის ადგილიდან მიიმალა.

პოლიციამ დანაშაულის ჩადენის იარაღი ნივთმტკიცებად ამოიღო.

დაკავებულმა ასევე აღიარა მის მიერ 2 დღის წინ მუხიანში სადღეღამისო ჯიხურის დაყაჩაღების ფაქტი, რა დროსაც სავაჭრო ობიექტიდან იმავე იარაღის მუქარით 200 ლარი გაიტაცა.

გამოძიება ყაჩაღობის ფაქტებზე, საქართველოს სსკ-ს 179-ე მუხლით მიმდინარეობს"- აცხადებენ უწყებაში.

'ნიუპოსტს" თვითმხილელებმა გუშინ აცნობეს, რომ სპუპერმარკეტში შეიარაღებული მამაკაცი შევარდა და იარაღის მუქარით შეეცადა მარკეტიდან თანხის გატაცებას, რაც ვერ შეძლო. მომხდარის შედეგად არავინ არ დაშავებულა.