გენერალური ინსპექციის დისციპლინური დევნის სამმართველოს ცნობით, შინაგან საქმეთა სამინისტროს გენერალურ ინსპექციაში ჩატარებული სამსახურებრივი შემოწმებით, შს სამინისტროს ხუთი მოსამსახურის მხრიდან გამოიკვეთა დისციპლინური გადაცდომის ფაქტი, საუბარია თბილისის საქალაქო სასამართლოში მომხდარ ინციდენტზე, რომლის ფარგლებშიც ზაზა სარალიძის განცხადებითმ, ზვიად კუპრავასა და კიდევ ერთ პირზე სამართალდამცავებმა სიტყვიერი და ფიზიკური ზეწოლა განახორციელეს.

როგორც განცხადებაშია აღნიშნული, ოთხ მათგანს შეეფარდა დისციპლინური სახდელი - საყვედური, ხოლო ადგილზე მყოფ ხელმძღვანელ პირს- სასტიკი საყვედური:

„დღეს ჩვენ გენინსპექციაში ვიმყოფებოდით სასამართლოს სასადილოში განვითარებულ მოვლენებთან დაკავშირებით. გენერალური ინსპექციის სამსახურებრივი შემოწმებით გამოვლინდა ხუთი პირის სამსახურებრივი დისციპლინური გადაცდომა. ზომად გამოყენებული იქნა როგორც საყვედური, ასევე ხელმძღვანელი პირის მიმართ სასტიკი საყვედური, რაც თავის თავში დასჯის მიმართულებით კიდევ უფრო მეტს მოიცავს. ძალიან მნიშვნელოვანი იყო, რომ მთელი ჯგუფის პასუხისმგებლობა გამოკვეთილიყო, - განაცხადა ზაზა სარალიძის ადვოკატმა, ნესტან ლონდარიძემ გენერალური ინსპექციიდან გამოსვლის შემდეგ.