"ისინი შეყვარებულები იყვნენ, პიკნიკებზე დადიოდნენ და შესაძლოა, დანაზე ერთი წვეთი სისხლი საიდანღაც მოხვედრილიყო"

"ისინი შეყვარებულები იყვნენ, პიკნიკებზე დადიოდნენ და შესაძლოა, დანაზე ერთი წვეთი სისხლი საიდანღაც მოხვედრილიყო" - ადვოკატის სკანდალური განცხადება

სამართალი - 14:07, 18 Jun, 2018

5031

თემქაზე 20 წლის ანა ნაცვლიშვილის მკვლელობაში ბრალდებული ლადო გრიგალაშვილის ადვოკატი სკანდალურ განცხადებას აკეთებს.
ნაირა ოტიაშვილი აცხადებს, რომ გამოძიების მიერ გამოცხადებულ მკვლელობის იარაღზე, დანაზე არანაირი სისხლის კვალი არ იყო და არ გამორიცხავს, რომ დანაზე სისხლის წვეთი წაუსვეს.
მისივე თქმით, ჭრილობები გარდაცვლილზე არაა მიყენებული იმ დანით, რომელიც გამოძიების მიერაა ამოღებული.

"ეს დანა ნანახი იქნა მამის მანქანაში. ცალსახად შემიძლია ვთქვა, რომ ორი შესაძლებლობა არსებობს სისხლის იქ აღმოჩენის, იმ პირობებში, როცა დანის ზომები ჭრილობების ზომებს არ ემთხვევა. გოგონა და ჩემი დაცვის ქვეშ მყოფი შეყვარებულები იყვნენ, პიკნიკებზე დადიოდნენ და შესაძლებელია, ერთი წვეთი სისხლი საიდანმე მოხვედრილიყო. თუმცა, უფრო პრიოროტეტულია ის, რომ მტკიცებულებათა ფალსიფიკაცია მოხდა.

თუ ეს დანა არ არის, რომლითაც გოგონას აქვს ჭრილობები მიყენებული, შესაბამისად, მასზე გოგონას სისხლის კვალი არ უნდა იყოს და თუ არის, მაშინ გამოსაძიებელია, რატომ არის.

ზუსტად ვიცი, რომ მანქანის გასაღები პოლიციას ჰქონდა სანამ კანონიერ ჩხრეკას ჩაატარებდა, მთლიანი მანქანა დაათვალიერა, ნახა სად რა იყო და არ გამოვრიცხავ, დანაზე რომელიც თავის ზომებით მკვლელობის იარაღი არ არის, შესაძლოა ერთი წვეთი სიახლი მოაცხო. თუ დანა გარეცხილია, მაშინ ერთი წვეთიც არ უნდა იყოს", - აცხადებს ოტიაშვილი.