ფიზიკური ანგარიშსწორება სარჩელის გამოტანის სანაცვლოდ - შსს გავრცელებულ ფარულ ვიდეოჩანაწერს შეისწავლის

სამართალი - 13:35, 18 Jun, 2018

2118

შინაგან საქმეთა სამინისტრო მედიასაშუალებებში გავრცელებულ ფარულ ვიდეოჩანაწერს შეისწავლის. ამის შესახებ "ნიუპოსტს" შინაგან სამეთა სამინისტროში განუცხადეს.
უწყებაში აცხადებენ, რომ კადრებში დაფიქსირებული პირები გურიის პოლიციის დეპარტამენტში დაიკითხებიან.

„ამ ფაქტის ირგვლივ, ასევე, ჩატარდება სხვა საგამოძიებო მოქმედებები. აღნიშნული პირების დაკითხვა მიმდინარე გამოძიების ფარგლებში მოხდება, რომელიც შინაგან საქმეთა სამინისტრომ 15 ივნისს ოზურგეთის საკრებულოს "ნაციონალური მოძრაობის" დეპუტატის - ბესიკ ქათამაძის ცემის ფაქტზე დაიწყო. გამოძიება საქართველოს სსკ-ს 126-ე მუხლის 1-ლი ნაწილით მიმდინარეობს, რაც ცემას ან სხვაგვარ ძალადობას გულისხმობს“, - აცხადებენ შსს-ში.

"ნიუპოსტმა" სკანდალური ვიდეო-ჩანაწერი მოიპოვა, სადაც ოზურგეთის საკრებულოს ენმ-ს წევრის ბესო ქათამაძის ცემის ფაქტთან დაკავშირებით ახალ დეტალები ხდება ცნობილი.

ფარულ ჩანაწერში ენმ-ს ოზურგეთის რაიონული ორგანიზაციის თავმჯდომარე დავით მჟვანაძე და გურიის გუბერნატორის ახლო მეგობარი და გუბერნიის თანამშრომელი ნესტონ რამიშვილი ფიგურირებენ.

ნესტორ რამიშვილი მჟაბანაძეს ქათამაძის ცემის ფაქტზე სამართლებრივი დავის შეწყვეტას სთავაზობს.

გუბერნატორის მეგობარი ენმ-ს დეპუტატს სთავაზობს ფიზიკურად გაუსწორდნენ პირს, ვინც ქათამაძეს თავს დაესხა და მრავლობითი დაზიანება მიაყენა.