არჩილ ტატუნაშვილის მიმართ თავისუფლების უკანონო აღკვეთისა და ჯგუფურად წამებაში დახმარებისთვის, ოკუპირებული ცხინვალის რეგიონის ე.წ. სამართალდამცავი ორგანოს თანამშრომლებს - დავით გურწიევს და ალეკ ტაბოევს პატიმრობა შეეფარდათ.

საქმეზე სასამართლო პროცესი მცხეთის სასამართლოში გაიმართა. მოსამართლემ ოკუპირებული ახალგორის ე.წ. სამართალდამცველებისთვის აღკვეთის ღონისძიების შეფარდებაზე იმსჯელა.

მოსამართლემ დააკმაყოფილა პროკურატურის შუამდგომლობა დავით გურწიევისა და ალეკ ტაბოევისთვის პატიმრობის შეფარდების თაობაზე.

მათ ბრალი დაუსწრებლად აქვთ წარდგენილი. ისინი სასამართლო პროცესს არ ესწრებოდნენ.