"ზვიად კუპრავა და კიდევ სამი პირი ადმინისტრაციული სამართალდარღვევისთვის არიან დაკავებული"

"ზვიად კუპრავა და კიდევ სამი პირი ადმინისტრაციული სამართალდარღვევისთვის არიან დაკავებული" - შსს

სამართალი - 10:00, 11 Jun, 2018

2073

ზვიად კუპრავა და კიდევ სამი პირი ადმინისტრაციული სამართალდარღვევისთვის არიან დაკავებული.

"შინაგან საქმეთა სამინისტროს თანამშრომლების მიერ 11 ივნისს, თბილისში, რუსთაველის გამზირზე პარლამენტის შენობის წინ წვრილმანი ხულიგნობისა და პოლიციელის კანონიერი მოთხოვნისადმი დაუმორჩილებლობის ფაქტზე ადმინისტრაციულ სამართალდარღვევათა კოდექსის 166-ე და 173-ე მუხლებით დაკავებულია 4 პირი: 1983 წელს დაბადებული ლ.ც.; 1983 წელს დაბადებული ზ.კ.; 1995 წელს დაბადებული დ.ჭ. და 1993 წელს დაბადებული ნ.გ. შინაგან საქმეთა სამინისტროსთვის, როგორც მართლწესრიგის დაცვაზე პასუხისმგებელი უწყებისთვის, მნიშვნელოვანია, რომ გამოხატვის თავისუფლება იქნეს უზრუნველყოფილი. ამავე დროს სამინისტრო პასუხისმგებელია, რომ შეკრებისა და მანიფესტაციის დროს დაცული იქნეს კანონი, არ შეილახოს მოქალაქეების უფლებები და საფრთხე არ შეექმნას საზოგადოებრივ წესრიგს" - აღნიშნულია შსს-ს მიერ გავრცელებულ ინფორმაციაში.

ზვიად კუპრავა და აქციის კიდევ სამი მონაწილე დღეს დილით დააკავეს.