წამებისა და მკვლელეობის ბრალდებით თურქი სამართალდამცავები საქართველოს მოქალაქეს ეძებენ. აღნიშნულის შესახებ ინფორმაციას ადგილობრივი მედია ავრცელებს.

როგორც ცნობილია, სტამბოლის ერთ-ერთ გარეუბანში მცხოვრებ თურქეთის მოქალაქეებს, მათ მიერ 2 თვის წინ სამუშაოზე აყვანილი ორი ქართველი დაესხა თავს. საქართველოს მოქალაქეებმა თურქ ცოლ-ქმარს ხელ-ფეხი შეუკრეს და თავზე პოლიეთილენის პარკები ჩამოაცვეს. თავდასხმას მათი შვილი გადაურჩა, მან პოლიციას მიმართა.

არსებული ინფორმაციით, ადგილზე მისულ სამართალდამცველებს მაღაზიის მეპატრონე გარდაცვლილი დახვდათ, მისი მეუღლე კი საავადმყოფოში გადაიყვანეს. ერთ-ერთი თავდამსხმელი დაკავებულია, მეორეს კი პოლიცია ამ დრომდე ეძებს.