ხორავას ქუჩაზე მომხდარი მკვლელობის საქმეში დაცვის მხარის მოთხოვნით ჩართული დამოუკიდებელი ექსპერტი მაია ნიკოლეიშვილი "ნიუპოსტთან" აცხადებს, რომ საქმის მასალებში მაკრატელი ფიგურირებდა.

"მაკრატელი რომ შემთხვევის ადგილიდან იყო ამოღებული, ეს საქმის მასალებიდანაც ჩანს, გამოკვლეულია ყველაფერი. ჩემი დასკვნა არსებობს, რომელშიც წერია - გამორიცხულია, დანები ზოგიერთ ჭრილობაზე, გამორიცხულია ერთი დანა. ზოგზე მეორე დანა, ზოგზე - ორივე დანა... არის დაზიანებების ჯგუფი, რომელიც არ არის მიყენებული დანებით, მაგრამ რა საგანია, ექსპერტიზას არ შეუძლია დაადგინოს. არის ვარაუდი და ვერსია, ამ ტიპის კონსტრუქციის საგნით არის მიყენებული. შესაძლოა, მაკრატლის კონსტრუქციის და კიდევ ნებისმიერი საგანი, რომელიც თავის კონსტრუქციაში ატარებს ასეთ ნიშნებს,“ - ამბობს ნიკოლეიშვილი.

საქართველოს მთავარმა პროკურატურაში ხორავას ქუჩაზე, მოზარდების მკვლელობის საქმეზე საგანგებო განცხადება გაკეთდა.

უწყებაში განაცხადეს, რომ მოზარდების მკვლელობის ადგილიდან ამოღებულ ნივთმტკიცებათა შორის არის ერთი სამედიცინო მაკრატელი, რომელიც უწყების მტკიცებით, ადგილზე მისულ სამედიცინო პერსონალს ეკუთვნოდა.

ხაზგასმით უნდა აღვნიშნოთ, რომ ჩატარებული ყველა საგამოძიებო მოქმედებით, მათ შორის მოწმეთა დაკითხვით, სხვა მაკრატლის ან საგნის არსებობა არ დგინდება,“-განაცხადეს პროკურატურაში გამართულ ბრიფინგზე.