სკანდალი: "დადასტურდა მირზა სუბელიანის ჩართულობა კონფლიქტის მონაწილეთა გადამალვაში"

სამართალი - 17:14, 28 May, 2018

9103

მოზარდების მკვლელობა ხორავაზე - ერთ-ერთი ბრალდებულის ადვოკატი, ტარიელ კაკაბაძე აცხადებს, რომ მოწმის ჩვენებით დადასტურდა მირზა სუბელიანის ჩართულობა კონფლიწტის მონაწილეთა გადამალვაში.

ჟურნალისტები დაინტერესდნენ, დაადასტურა თუ არა ბრალდებულმა პროკურატურის ყოფილ მაღალჩინისანთან მირზა სუბელიანთან შეხვედრა და მოზარდების გადამალვაში მისი ჩართულობა, რაზეც დაცვის მხარემ დადებითი პასუხი გასცა.
„დადასტურდა სხვადასხვა პირების მიერ დანაშაულის დაფარვაში მონაწილეობა. მტკიცებულებათა განადგურებაში მონაწილეობა და კონკრეტულ ფაქტში მონაწილე პირების დამალვის ორგანიზება,“- განაცხადა ტარიელ კაკაბაძემ.
ამასთან ადვოკატის თქმით მისი დაცვის ქვეშ მყოფმა ისაუბრა დავით სარალიძის დაჭრის ფაქტში სხვა პირების მონაწილეობაზეც.

"მისი ჩვენებით სრულად დადასტურდა რომ კონფლიქტში სხვა ადამიანიებიც მონაწილეობდნენ, სხვა ადამიანების მიერ მოხდა დავით სარალიძის დაჭრა.

ძალიან სამწუხაროა, რომ თავის დროზე საგამოძიებო ორგანომ ეს საქმე სწორად არ გამოიძია, თორემ დღეისთვის ბრალდების მხარე ასეთ უხერხულ მდგომარეობაში არ აღმოჩნდებოდა. თუმცა, თავის დროზე ყველაფერი გაკეთდა, რათა წაეშალათ გარკვეული პირების მიერ დანაშაულის დამადასტურებელი მტკიცებულებები და შესაბამისად, კონკრეტული პირები არ დასაჯეს, რასაც მოჰყვა ის, რომ საქმე მთლიანად დაინგრა სასამართლოში განხილვის დროს და ნათლად დადასტურდა რომ საგამოძიებო ორგანო ტენდენციური იყო. ბრალდების მხარე არათუ ჩიხშია, საერთო სისხლის სამართლის საქმე, რასაც ბრალდება ეყრდნობა, ფაქტობრივად არ არსებობს, ვინაიდან მათი პოზიცია, რომელიც ისედაც ძალიან უსუსური იყო, დღევანდელ სხდომაზე მთლიანად დაინგრა", - განაცხადა ტარიელ კაკაბაძემ.