ხორავას ქუჩაზე მოზარდების მკვლელობის საქმის სასამართლო პროცესი გადაიდო. დღევანდელ სხდომაზე ერთ-ერთი ბრალდებულის ადვოკატის მიერ ჩატარებული ექსპერტიზის დასკვნა უნდა გამოკვლეულიყო, თუმცა როგორც საქმის პროკურორმა ზვიად ფხაკაძემ განაცხადა, დაცვის მხარემ დღეს დასკვნის წარმოედგენა ვერ შეძლო, ვინაიდან როგორც ადვოკატმა პროცესზე განმარტა კვლევა ჯერ დასრულებული არ არის. პროკურორის თქმით, დასკვნის გამოკვლევა ხვალ იგეგმება და შესაძლოა ხვალვე დაიკითხოს მეორე ბრალდებულიც.

მოზარდების მკვლელობის საქმე ხორავას ქუჩაზე - სასამართლო განხილვა გადაიდო. პროცესი თბილისის საქალაქო სასამართლოში ხვალისთვის ჩაინიშნა. დღევანდელ პროცესზე სამედიცინო ექსპერტი უნდა დაეკითხათ, რომელმაც ჩვენება უნდა მისცეს გარდაცვლილების სხეულზე აღმოჩენილი დაზიანებების შესახებ.

"დღევანდელ სხდომაზე უნდა მომხდარიყო დაცვის მხარის მიერ ჩატარებული ექსპერტიზის დასკვნის წარმოდგენა ერთ-ერთი ბრალდებულის ადვოკატის მიერ, თუმცა ადვოკატმა მისი წარმოდგენა ვერ შეაძლო და ამ დასკვნის გამოკვლევა მოხდება ხვალინდელ პროცესზე. ასევე დაიკითხებიან მისი შემდგენი ექსპერტები. ასევე დროის გათვალისწინებით შესაძლებელია დაიკითხოს მეორე ბრალდებულიც. რაც შეეხება დასკვნის შინაარსს, ეს ბრალდების მხარისთვის წინასწარ უცნობია", - განაცხადა პროკურორმა ზვიად ფხაკაძემ.