"ბასიანის" დამფუძნებლის ადვოკატი ეჭვობს, რომ მტკიცებულებების ფალსიფიკაცია მიმდინარეობს

სამართალი - 18:36, 22 May, 2018

2087

კლუბ "ბასიანის" დამფუძნებლის ზვიად გელბახიანის ადვოკატი ეჭვობს, რომ სამართალდამცავები მტკიცებულებების ფალსიფიკაციას ცდილობენ. ადვოკატ ვალერი გელბახიანის თქმით, დაკითხვის დროს მისი დაცვის ქვეშ მყოფს პოლიციამ დნმ-ის ანალიზი მოსთხოვა, რაც საქმესთან კავშირში არ არის.

„გამოძიებამ მოინდომა, რომ ნერწყვის აღება მომხდარიყო დნმ-ის ექსპერტიზის ჩასატარებლად, რაზეც უარი ვუთხარით. ეს საერთოდ აცდენილია სივრცესაც და თემასაც იმდენად, რამდენადაც თვითონ მინისტრმა დააანონსა, რომ იქ, კლუბში, თვითონ მოცეკვავეებმა დაყარეს სხვადასხვა ნარკოტიკები. ახლა ხომ ამოღებულია ეს ნარკოტიკები და ვისი კუთვნილებაც იყო, თუ იმისი დადგენა უნდათ, იმ კლუბში იმ ღამეს ვინც ცეკვავდა, ისინი უნდა გაატარონ დნმ-ის ანალიზზე. ამან ეჭვი გააჩინა და უარი ვუთხარით ამ პროცედურაზე. ანუ ფაბრიკაციის მცდელობა ხომ არ არის. მე არაერთ საქმეში მინახავს ასეთი ფაბრიკაციები.“ - განაცხადა ვალერი გელბახიანმა "რუსთავი2"-თან

ვალერი გელბახიანის თქმით, ის დაელოდება, როდის მოითხოვს სასამართლო წესით სამართალდამცავი უწყება დნმ-ის ჩაბარებას, თუმცა, ამ შემთხვევაშიც იურისტი მოითხოვს დასაბუთებას მსგავსი ანალიზის ჩატარების აუცილებლობასთან დაკავშირებით.

"ბასიანის" დამფუძნებელი ზვიად გელბახიანი დაკითხვაზე დღეს დაიბარეს, როგორც ზვიად გელბახიანმა დაკითხვამდე რუსთავი2-თან განაცხადა, შსს არაკოორდინირებულად მუშაობს და „ბასიანი“ ხელისუფლების მძევლად იქცა: