ლეგენდარული ნაომი კემპბელი იუბილარია - პოდიუმის დედოფალი "შავი პანტერა" 49 წლის გახდა (ფოტოები)

ეს საინტერესოა - 17:05, 22 May, 2019

11665

დღეს, ყველა დროის ყველაზე წარმატებული, სახელგანთქმული და ლეგენდარული ფერადკანიანი სუპერმოდელის ნაომი ქემბელის დაბადების დღეა.

პოდიუმის დედოფალი, შავი პანტერა 49 წლის გახდა.

ნაომი ელეინ კემპბელი 1970 წლის 22 მაისს სთრითემში, ლონდონში დაიბადა.

დედამისი ვალერი კემპბელი იამაიკური წარმოშობის ყოფილი ბალერინაა. დედის სურვილის თანახმად, ნაომის თავისი უცნობი მამა არასდროს უნახავს, რომელმაც 18 წლის ვალერი, ორი თვის ნაომით ხელში, სამუდამოდ მიატოვა. ნაომის არა მხოლოდ იამაიკური, არამედ ჩინური წარმოშობაც აქვს, კერძოდ კი, მამამისის დედის ხაზით (მინგის გვარის წარმომადგენლები).

საკუთარ გარეგნობაზე ნაომი ამბობს: „ჩემი ნაკვთები სრულიად ეთნიკურია და მე ამით ვამაყობ“.

ბავშვობაში ნაომი ძიძასთან დიდ დროს ატარებდა, როდესაც დედამისი ევროპის გარშემო საცეკვაო ტურნეთი იმყოფებოდა ხოლმე კორდებალეტ „ფანტასტიკასთან“ ერთად. 10 წლისა „იტალიის კონტის საბალეტო აკადემიაში“ ჩაირიცხა. ის დანრეივენის მოწინავე სკოლაში დადიოდა, რომელიც ლონდონში, სთრითემის ლონდონის შიდა საგანმანათლებლო დაწესებულებად იწოდება.

ნაომის პირველი გამოჩენა საზოგადოების წინაშე 1978 წელს მოხდა, როდესაც 7 წლის გოგონა ბობ მარლიმ მუსიკალურ კლიპში Is This Love? გადაიღო. 1982 წელს კი მეორე კლიპი გამოვიდა მისი მონაწილეობით.

პოდიუმზე პირველად 15 წლის ასაკში გამოჩნდა და პირველი გამოჩენისთანავე განუმეორებელ სახედ იქცა.

ნაომი 90-იანი წლების იმ საკულტო მოდელებიდან ერთერთია, რომლებაც მოდის ისტორიაში ეპოქა შექმნეს.

„ჯანის გოგონები“ - ასე მოიხსენიებდნენ ლეგენდარულ მოდელებს, რომლებიც დიზაინერ ჯანი ვერსაჩეს ფავორიტები იყვნენ - ნაომი კემპბელი, სინდი კროუფორდი, კრისტი ტორლინგტონი, ლინდა ევანგელისტა , კლაუდია შიფერი, ელენა კრისტენსენი, კარლა ბრუნი.

33 წელია ნაომი პოდიუმის დედოფალია. ამ დროის განმავლობაში იყო და არის დიზაინერების, ფოტოგრაფების მუზა. დამშვენებული აქვს ყველა გავლენიანი მოდური გამოცემების ყდები.

49 წლის ნაომი დღემდე ბრწყინავს პოდიუმსა და სარეკლამო კამპანიებში.