20 წლის ანა ნაცვლიშვილის მკვლელობა - თემქაზე მომხდარი ტრაგედიის საქმეზე დღეს წინასასამართლო სხდომა გაიმართება

სამართალი - 11:35, 22 May, 2018

3242

თემქაზე, 20 წლის ანა ნაცვლიშვილის მკვლელობის საქმეზე დღეს წინასასამართლო სხდომა გაიმართება.

დღეს სასამართლოზე ბრალდების მხარე მტკიცებულებებს წარადგენს, რომლის საფუძველზეც სასამართლომ საქმე არსებით განხილვაზე უნდა გადასცეს.

20 წლის შეყვარებულის მკვლელობაში ბრალდებულ ლადო გრიგალაშვილს ბრალი დაუმძიმდა, რადგან ცოტახნის წინ ექპერტიზის დასკვნა გახდა, ცნობილი რომლის თანახმადაც ნაცვლიშვილს 33 ჭრილობა აქვს მიყენებული. ახალგაზრდაისთვის წაყენებული ახალი ბრალი კი განსაკუთრებული სისასტიკით განზრახ მკვლელობის ჩადენას გულისხმობს.

თემქაზე 20 წლის ანა ნაცვლიშვილი 22 თებერვალს მოკლეს. არსებული ინფორმაციით, დაკავებისას გრიგალაშვილმა პოლიციას უამბო, რომ შეყვარებული ეჭვიანობის ნიადაგზე მოკლა. კერძოდ, მედიაში გტავრცელებული ინფორმაციით, დაკითხვისას ლადო გრიგალაშვილმა სამართალდამცავებს უთხრა, რომ "თითქოს დანაშაულამდე რამდენიმე დღით ადრე, ანა შავ ბე-ემ-ვეში, უსიამოვნო ვითარებაში ნახა და უნდოდა გაერკვია ეს ამბავი, მაგრამ ანი იმ დღეებში მამა სოფელში წაიყვანა და ვერ ნახა. იმ ღამით კი სახლიდან რომ გამოიყვანა და ჰკითხა, ვისთან დადიხარო, გოგონამ კატეგორიულად უარყო ყველაფერი. ამის შემდეგ ბე-ემ-ვე უხსენა და როცა ანი შეეპასუხა, მისმა სიტყვებმა გონება დამიბნელა, ქვა ავიღე, თავში ჩავარტყი, წაიქცა და მერე დანა რამდენჯერმე ჩავარტყიო".