„ჩემი ცნობების მოთხოვნის უარყოფას არ ვაპირებ, ჩემს კოლეგას შოუს ელემენტებით დატვირთული საქმის განხილვა მოუწევს“

„ჩემი ცნობების მოთხოვნის უარყოფას არ ვაპირებ, ჩემს კოლეგას შოუს ელემენტებით დატვირთული საქმის განხილვა მოუწევს“ - გვრიტიშვილი ანა დოლიძის წინააღმდეგ

სამართალი - 12:07, 21 May, 2018

1027

იუსტიციის უმაღლესი საბჭოს არამოსამართლე წევრი ანა დოლიძე ქუთაისის სააპელაციო სასამართლოს თავმდჯომარეს დიმიტრი გვრიტიშვილს პატივისა და ღირსების შელახვისთვის უჩივის. ანა დოლიძემ იურისტთან ერთად თბილისის საქალაქო სასამართლოში სარჩელი შეიტანა, ის მოითხოვს, სასამართლომ დიმიტრი გვრიტიშვილს დაავალოს უარყოს ის განცხადებები, რომელიც მან ანა დოლიძესთან მიმართებით გააკეთა.

საქმე ეხება ქუთაისის სააპელაციო სასამართლოს თავმჯდომარის მიერ სამი თვის წინ გაკეთებულ განცხადებას, რომლის მიხედვითაც ანა დოლიძე 2008 წელს იყო რუსეთში, რუსულ ორგანიზაციაში მუშაობდა და მათ საქართველოს ინტერესების საზიანო ინფორმაციას აწვდიდა.

ანა დოლიძეს თავად გვრიტიშვილი პასუხობს. გრიტიშვილის არ თვლის, რომ მისმაგანცხადებებმა ანა დოლიძის ღირსება და პატივი შელახა:

„იქიდან გამომდინარე, რომ მე პატივს ვცემ ჩემს სტატუსს და ასევე ჩემს კოლეგას, რომელსაც, მე ვიტყოდი, რომ შოუს ელემენტებით საკმაოდ დატვირთული საქმის განხილვა მოუწევს, ისედაც არაკომფორტული იქნება მისთვის, დოლიძის საზოგადოების პირობებში ამ საქმის განხილვა, მე თავს შევიკავებ ამ ეტაპზე კომენტარი გაკეთებისგან, ჩემი პოზიცია, როგორც მოპასუხის სასამართლოს წარედგინება მას შემდეგ, რაც ჩამბარდება სარჩელი და გავეცნობი მის არგუმენტაციას. როგორც გაჟღერდა მოთხოვნა არის იმ ცნობების უარყოფა, იმ ცნობების მოთხოვნის უარყოფას მე არ დავეთანხმები, თავს შევიკავებ კონკრეტული არგუმენტაციის წარმოდგენისგან. ყველასთვის ხელმისაწვდომია ჩემი კომენტარი, მე იმ კომენტარს რა თქმა უნდა ვეთანხმები“, - აცხადებს გვრიტიშვილი.