"ლანჩხუთში გუშინ საღამოს სამართალდამცველებმა 4 ფეხბურთელი ადმინისტრაციულ სამართალდარღვევათა კოდექსის 166-ე მუხლით გათვალისწინებული დანაშაულის ჩადენისთვის დააკავეს, რაც ხულიგნობას გულისხმობს. 4-ივე მათგანი გუშინვე ხელწერილით გათავისუფლდა და სასამართლო სხდომა სავარაუდოდ, დღეს გაიმართება,"- განაცხადა შს სამინისტროს პრესსამსახურის უფროსმა ნინო გიორგობიანმა. არსებული ინფორმაციით, საფეხბურთო კლუბ ლანჩხუთის "გურიის" ფეხბურთელების ნაწილი უხელფასობის გამო გაიფიცა, გუნდის რამდენიმე არაფხიზელ მდგომარეობაში მყოფი ფეხბურთელი კი მათ განსხვავებული აზრის გამო დაუპირისპირდნენ.