"ნინო იმ დროს დააკავეს, როცა სამალავებში ნარკოტიკს ინახავდა" - ვინ არიან ნარკოტიკების რეალიზაციის ბრალდებით დაკავებულები და რა აკავშირებთ შსს-ს თანამშრომელთან?

სამართალი - 09:47, 09 May, 2018

23044

ნარკოტიკების ინტერნეტით გასაღების ფაქტზე დაკავებული წყვილის, 27 წლის ნინო გეგელაშვილისა და 24 წლის გიორგი გოგებაშვილის ოჯახის წევრები აცხადებენ, რომ დაკავებულთა საქმიანობის შესახებ არაფერი იცოდნენ.

მეტიც, ნინო გეგელაშვილის ძმა აღნიშნავს, რომ მისი დის, დაკავებულ გიორგი გოგებაშვილთან არაოფიციალურ ქორწინებაზე ინფორმაცია საერთოდ არ ჰქონია.

24 წლის ბიჭის ძმა იაკობ გოგებაშვილი შსს-ს თანამშრომელია. შინაგან საქმეთა სამინისტოს ინფომრაციით, ვაკე-საბურთალოს სამმართველოს მე-4 განყოფილების უბნის ინსპექტორ-გამომძიებელს უფლებამოსილება დროებით საკუთარი განცხადების საფუძველზე ამჟამად უკვე შეჩერებული აქვს.

უწყებაში განმარტავენ, რომ ამ ეტაპზე იაკობ გოგებაშვილის დანაშაულში მონაწილეობის ფაქტი არ დასტურდება.

შვილის დაკავების შესახებ ინფორმაცია მედიით შეიყო გოგებასვილის ოჯახმა, რომელიც სენაკში ცხოვრობს. ბრალდებულის მამა ამბობს, რომ მისი შვილს 3 დღის წინ ესაუბრა.

შინაგან სამეთა სამინისტროს ოფიციალური ინფორმაციის თანახმად, საგამოძიებო მოქმედებების შედეგად დადგინდა, რომ:

„ნარკოტიკების შეძენის მსურველები ბრალდებულებს ერთ-ერთი ონლაინ აპლიკაციის გამოყენებით უკავშირდებოდნენ. სასურველი ტიპის და ოდენობის ნარკოტიკის შეკვეთის შემდეგ, მყიდველი ბრალდებულებისგან იღებდა შეტყობინებას, სადაც მითითებული იყო ანგარიშის ნომერი და თანხის ოდენობა. ანგარიშზე თანხის ასახვის შემდეგ, ნარკოტიკის შეძენის მსურველებს იმავე აპლიკაციის მეშვეობით ეგზავნებოდათ ფოტოშეტყობინება, შეძენილი ნარკოტიკის ადგილმდებარეობისა და მისამართის მითითებით".

მეზობლების ინფორმაციით, "ნინო გეგელაშვილი სწორედ იმ დროს დააკავეს, როცა სამალავებში ნარკოტიკს ინახავდა".

ნარკოტიკების ინტერნეტით გასაღების ფაქტზე დაკავებულ ორ ახალაგზრდას დღეს ბრალს ოფიციალურად წაუყენებენ. მათი აღკვეთის ღონისძიებაზე კი სასამართლო, სავარაუდოდ, ხვალ იმსჯელებს.