"ბრიტანელი ექსპერტების დასკვნა ყველა იმ შეკითხვას გასცემს პასუხს, რომელსაც ბრალდების მხარის ვერცერთი მტკიცებულება ვერ სცემს"

"ბრიტანელი ექსპერტების დასკვნა ყველა იმ შეკითხვას გასცემს პასუხს, რომელსაც ბრალდების მხარის ვერცერთი მტკიცებულება ვერ სცემს" - კაკაბაძე

სამართალი - 12:02, 08 May, 2018

2210

მოზარდების მკვლელობის საქმეზე ბრალდებულის ადვოკატი, ტარიელ კაკაბაძე აღნიშნავს, რომ "ბრიტანელი ექსპერტების მიერ დადებული დასკვნით პასუხი გაეცემა ყველა იმ შეკითხვას, რომელსაც ვერ პასუხობს ბრალდების მხარის ვერცერთ მტკიცებულება".

კაკაბაზე აღნიშნავს, რომ საქმეზე ძირითადი მოწმეების დაკითხვა უკვე დასრულებულია.

"დარწმუნებული ვარ, დაცვის მხარე წარმატებით შევძლებთ დავარწმუნოთ სასამართლო საკუთარი პოზიციის სისწორეში. დაახლოებით, ერთ კვირაში, ბრიტანელი ექსპერტები უკვე საქართველოში იქნებიან, გააგრძელებენ მუშაობას და როდესაც მათ გადაეცემათ ნივთმტკიცებები, დაახლოებით, 4 დღეში ისინი დადებენ დასკვნას. შესაძლოა, ექსპერტიზა გაცილებით უფრო დიდი ხნის განმავლობაში გაგრძელდეს, მაგრამ ჩვენ ყველაფერს გავაკეთებთ, რომ პირველ ინსტანციაში წარმოვადგინოთ ექსპერტიზის დასკვნები და პირველ ინსტანციაშივე მოეფინოს ნათელი ყველაფერს"- განაცხადა ადვოკატმა.

მისი თქმით, არსებობს საშიშროება, რომ დაცვის მხარემ პირველ ინსტანციაში ვერ წარმოადგინოს ექსპერტიზის დასკვნები.

"ამ შემთხვევაში, იძულებული ვიქნებით, სააპელაციო სასამართლოში წარმოვადგინოთ დასკვნები. დარწმუნებული ვარ, რომელ ინტსანციაშიც არ უნდა იყოს ეს, ექსპერტიზის დასკვნები იქნება კატეგორიული და ის მნიშვნელოვანი მტკიცებულება, რომელსაც აუცილებლად გაიზიარებს სასამართლო. ბრიტანელი ექსპერტები ყველაფერს გააკეთებენ იმისთვის, რომ მაქსიმალურად ხშირად ჩამოვიდნენ საქართველოში, მაქსიმალურად დიდი დრო გაატარონ ამ დასკვნებზე სამუშაოდ და მე დარწმუნებული ვარ, მათ მიერ დადებული დასკვნა კარგად დასაბუთებული იქნება. მათ მიერ დადებული დასკვნით პასუხი გაეცემა ყველა იმ შეკითხვას, რომელსაც ვერ პასუხობს ბრალდების მხარის ვერცერთ მტკიცებულება", - აცხადებს კაკაბაძე.