“გირჩის” წევრმა ნიკა ობოლაძემ პოლიციის შენობა დატოვა.

როგორც მან ჟურნალისტებს განუცხადა სამართალდამცავებმა მოწმის სტატუსით დაკითხეს.

"იმიტომ დამაკავეს, რომ ხელში მეჭირა მარიხუანას ქოთანი და გამოძიებას აინტერესებდა, რატომ მეჭირა მარიხუანას ქოთანი ხელში. ვუთხარი, რომ მეჭირა რადგან ვთვლი რომ ეს არის ადამიანის უფლება მოიხმარდეს რაღაც ტიპის ნივთიერებას,”-აცხადებს ნიკა ობოლაძე.

როგორც "ნიუპოსტს" შს სამინისტროში განუცხადეს, თბილისის პოლიციის დეპარტამენტის ვაკე-საბურთალოს სამმართველოს მე-2 განყოფილებაში, ნარკოტიკული საშუალების შემცველი მცენარის უკანონო დათესვა, მოყვანა ან კულტივირების ფაქტზე მიმდინარე გამოძიების ფარგლებში სამართალდამცველებმა 1990 წელს დაბადებული ნ.ო. გამოავლინეს. პოლიციამ სავარაუდო ნარკოტიკული საშაულება კანაფი ნივთმტკიცებად ამოიღო. ამ დროისთვის ნ.ო. მოწმის სტატუსით პოლიციაში იკითხაება. გამოძიება სისხლის სამართლის კოდექსის 265 - ე მუხლით მიმდინარეობს.