აზერბაიჯანელი ჟურნალისტი აფგან მუთარლი პატიმრობაში რჩება - შაქის სააპელაციო სასამართლომ აფგან მუხთარლის საქმეზე პირველი ინსტანციის განაჩენი, 6-წლიანი პატიმრობა ძალაში დატოვა.

მუხთარლის საზღვრის უკანონოდ გადაკვეთის, მესაზღვრის ფიზიკურად შეურაცხყოფისა და თანხის არადეკლარირებულად გადატანაში ადანაშულებენ.

მოსამართლემ დაცვის მხარის არც ერთი არგუმენტი არ გაითვალისწინა. ადვოკატები საქმეს ჯერ უზენაეს სასამართლოში, შემდეგ კი უკვე სტრასბურგში გაასაჩივრებენ.

აღსანიშნავია, რომ სასამართლო პროცესამდე ერთი დღით ადრე, აზერბაიჯანელი ჟურნალისტის ადვოკატს ლიცენზია შეუჩერეს. ნემათ ქარიმ-ლის საადვოკატო საქმიანობა ერთი წლით აეკრძალა.

"როგორც აზერბაიჯანელი კოლეგები გვეუბნებიან, ხელისუფლებისათვის არასასურველი ადვოკატებს ამ წესით უჩერებენ ადვოკატის სტატუსს და იშორებენ თავიდან, რაც ნამდვილად არ გამოიღებს იმ შედეგებს, რასაც აზერბაიჯანის ხელისუფლება გეგმებს საბოლოო გადაწყვეტილების შემდეგ,"-აცხადებს მუხთარლის ქართველი ადვოკატი, არჩილ ჩოფიკაშვილი.