რატომ იყო მისული სუბელიანი სარალიძეების ოჯახში და რას ამბობს მერაბიშვილის ციხიდან გაყვანის კადრებზე

სამართალი - 17:27, 20 Apr, 2018

4637

საქართველოს პროკურატურის ყოფილი თანამშრომელი მირზა სუბელიანი, ირწმუნება, რომ სიმართლეს არ შეესაბამება ინფორმაცია, თითქოს ის ვანო მერაბიშვილის ციხიდან გაყვანის კადრებით აშანტაჟებს ხელისუფლებას.

აღსანიშნავია, რომ შოთაძის უწყების ყოფილი მაღალჩინოსნის შვილი და ნათესავი მოზარდების მკვლელობის საქმის ფიგურანტები არიან და ორივე მათგანი მოწმის სტატუსის მატარებელია.

მოკლული დავით სარალიძის მამა კი არ გამორიცხავს, რომ სუბელიანი მოწმეს ზეწოლით აცვლევინებს ჩვენებებს და ამასთან, პროკურატურაზე ზეწოლას ახდენს.

საკითხს დღეს "პირველები" გააშუქებს. ანონსის მიხედვით სუბელიანი ამბობს: "მე მივედი ზაზა სარალიძეის ოჯახში, მივუსამძიმრე და მე თვითონ მოვუხადე ბოდიში".

რაც შეეხება მუქარას, პროკურატურის ყოფილი მაღალჩინოსანის თქმით, "როგორ შეიძლება მე, ჩვეულებრივი მოქალაქე ვაშანტაჟებდე სახელმწიფოს იმ თემით, რომელიც ბუნებაში არ არსებობს".

სამართალდამცველთა რეფორმირების ცენტრის“ ხელმძღვანელი ზვიად კუპრავა აცხადებს, რომ სასჯელაღსრულების სამინისტროში გენერალური ინსპექციის ხელმძღვანელად მუშაობის დროს მირზა სუბელიანმა ვანო მერაბიშვილი ციხიდან გაიყვანა და ფარცხალაძის კაბინეტში მიიყვანა, სკანდალური ვიდეომასალა კი შეინახა დღეს კი პროკურატურას აშანტაჟებს და ცდილობს, მისი ოჯახის წევრები პასუხისმგებლობას აარიდოს.

აღსანიშნავია, რომ კუპრავას მიერ აღნიშნული სკანდალური განცხაფდებების შემდეგ, მას პარლამენტის ყოფილი წევრი, ბორის კაკუბავა დაემუარა.