მოზარდების მკვლელობის საქმის პროკურორი ზვიად ფხაკაძე დაცვის მხარეს არასწორი ინფორმაციის გავრცელებაში ადანაშაულებს.

ფხაკაძის თქმით, საბოლოოდ, მოწმის მიერ მიცემული ჩვენებები შესაბამისობაშია გამოძიების სტადიაზე მიცემულ ჩვენებასთან.

„როდესაც მოწმე 11 აპრილს დაკითხა, გარკვეული დეტალები წარმოაჩინა სხვაგვარად, ხოლო ბოლო პროცესზე - სხვაგვარად. ამის არგუმენტად დაასახელა ის, რომ ბრალდებულები არიან მისი მეგობრები და შეეცადა მათ დახმარებას. ხოლო შემდეგ სასამართლოზე შეეცადა გაეკეთებინა სრულყოფილი განცხადება. სამი პროცესის განმავლობაში მის მიერ მიცემული ჩვენებები შესაბამისობაშია გამოძიების სტადიაზე მიცემულ ჩვენებასთან“, - განაცხადა ზვიად ფხაკაძემ.

ხორავას ქუჩაზე მომხდარი მკვლელობის საქმის მთავარი მოწმის დაკითხვა დასრულდა. მოწმეს, რომელმაც უკვე ხუთჯერ შეცვალა ჩვენება, დღეს ახალ გარემოებებზე არ უსაუბრია.