ბარნოვზე მომხდარი მკვლელობა - ვეფხვია ბაქრაძის ადვოკატის განცხადებით, ბრალდებული მკვლელობის ფაქტს აღიარებს, თუმცა, მუხლის კვალიფიკაციას არ ეთანხმება. დაცვის მხარე ბაქრაძისთვის აღკვეთის ღონისძიების სახედ გირაოს შეფარდებას მოითხოვს:

„აღიარებს ფაქტს, მაგრამ არ აღიარებს დამამძიმებელ გარემოებას, რის გამოც გადაკვალიფიცირდა მუხლი. დამამძიმებელი გარემოება ეს არის განსაკუთრებით სისასტიკე. ამ ეტაპზე, მოტივზე ვერ ვისაუბრებ. ჩვენ ალტერნატივას მოვითხოვთ, გირაოს ოცი ათასი ლარის ოდენობით“, – განაცხადა ადვოკატმა.