"ხელისუფლების მხრიდან პოლიტიკური დევნა მიმდინარეობს ადამიანების წინააღმდეგ ვისიც ეშინიათ"- გურამ დონაძე პროკურატურას და მედიას მიმართავს

სამართალი - 19:53, 11 Apr, 2018

1342

შინაგან საქმეთა სამინისტროს საზოგადოებასთან ურთიერთობის სამსახურის ყოფილი უფროსი გურამ დონაძე "ნიუპოსტთან" აცხადებს, რომ რობაქიძის საქმეს პროკურატურა პოლიტიკური შანტაჟისთვის იყენებს.

ჟურნალისტის თქმით, ბრალდების მხარე საზოგადოების და მათ შორის მედიის წარმომადგენლების შეცდომაში შეყვანას ახერხებს, მასმედიის ნაწილი კი შეგნებულად უწყობს ხელს ბრალდების მხარეს სიცრუის ტირაჟირებაში.

ცნობისთვის, მედიაში გავრცელდა ინფორმაცია, რომ დღევანდელ პროცესზე ექსპერტმა საქმეში არსებული ვიდეომასალის გაყალბების ფაქტი დაადასტურა.

საპირისპიროს ამტკიცებს გურამ დონაძე, რომელიც "ნიუპოსტმა" სხდომის დასრულების შემდეგ ჩაწერა.

მისი თქმით, შს სამინისტროს ექსპერტმა "ვერც კი გაბედა დაედასტურებინა, რომ პირველი კადრიდან - გასროლიდან იარაღების პოვნამდე კადრები გაყალბებულია ან არის რაიმე სახის წყვეტა".

"ჩვენ სასამართლოში მტკიცებულებად წარდგენილი გვაქვს 10 წუთიანი და 02 წამიანი ვიდეო, რომელიც 30-35 სხვადასხვა ეპიზოდისგან შედგება. ეს ეპიზოდები შედგება სხვადასხვა „stop rec“ - ის კადრებით. ანუ ჯერ არის გასროლა გადაღებული, შემდეგ არის გადაღებული იარაღების პოვნა, მერე არის ის კადრი გადაღებული როგორ აკავებს საპატრულო, შემდეგ არის სასწრაფო როგორ მოდის, გადაღებულია როგორ ჩხრეკენ დაკავებულებს ეს არს ლოგიკური ჯაჭვი, მაგრამ პროკურატურის წარმომადგენლები ჩვეული სტილით გამოდიიან ჟურნალისტებთან და ამბობენ, რომ არის წყვეტები და ასე შემდეგ.

პირველ ეპიზოდში, სადაც საუბარია გასროლიდან სანამ იარაღები ჩნდება, აქ რომ წყვეტა არ არის ეს შს სამინისტროს ექსპერტს დღეს არ უთქვამს, და არ უთქვამს რომ ეს არის გაყალბებული. პროკურატურას კი ხრიკი აქვს მოძებნილი და ატყუებს საზოგადოებას და ამბობს: - "წყვეტაა, მონტაჟია".

- კი ბატონო 10 წუთიან მასალაში იქნება წყვეტაც და მონტაჟის კვალი არ ნიშნავს იმას რომ ვიღაცამ იქ იარაღები ჩახატა. მონტაჟს ექსპერტიზა ეძახის იმასაც რომ ჯერ იღებ მარცხენა ნაწილს , შემდეგ მარჯვენა რაკურსს, მიწას და ა.შ. ჟურნალისტებს ვთხოვ ნებსით თუ უნებლიეთ ნუ შეგყავთ საზოგადოება შეცდომაში. ტყუილი და ცრუ მოწმეების მოყვანა ამ ხელისუფლების სტილია, მათი სურვილია პოლიტიკური ნიშნით დევნოს ის ადამიანები, ვინც მათთვის პოლიტიკურად მიუღებელია და ეშინიათ"- აცხადებს გურამ დონაძე.