შეთანხმება „ცენტრ-პოინტისა“ და m2-ს შორის - "რჩეულიშვილისა და კერვალიშვილის საპროცესო შეთანხმებით გათავისუფლება ლოგიკური იქნება"

სამართალი - 20:03, 05 Apr, 2018

7568

„ცენტრ-პოინტისა“ და m2-ს შორის შეთანხმება შედგა. დოკუმენტის თანახმად, „ცენტრ-პოინტის“ მიერ წინაპირობების შესრულების შემთხვევაში, მშენებლობებს m2 დაასრულებს დაბინას ყველა დაზარალებული ოჯახი მიიღებს.
4 000 ოჯახი 3 წლის განმავლობაში ბინებით ეტაპობრივადდაკმაყოფილდება.
დოკუმენტის ოფიციალურად გაფორმების შემდეგ, ადვოკატმა ბექა ბასილაიამ ჟურნალისტებს განუცხადა, რომ მაია რჩეულიშვილისა და რუსუდან კერვალიშვილის საპროცესო შეთანხმებით გათავისუფლება ლოგიკური იქნება.

„ცენტრ-პოინტ“ ჯგუფმა გადადგა ეს ნაბიჯი. თავისი აქტივები სრულად გადასცა ვალდებულებების დასაფარად m2-ს, იმისთვის, რომ კომპანიამ შეასრულოს სამუშაო და დააკმაყოფილოს 4 ათასი ოჯახი. შესაბამისად, ლოგიკური და სამართლიანი იქნება მაია რჩეულიშვილისა და რუსუდან კერვალიშვილის საპროცესო შეთანხმებით გათავისუფლება” განაცხადა ბექა ბასილაიამ.

რჩეულიშვილსა და კერვალიშვილის გათავისუფლების აუცილებლობაზე საუბრობს „ცენტრ პოინტის“ სამეთვალყურეო საბჭოს თავმჯდომარეც.

„როცა ერთ-ერთი მხარე არის ციხეში, იქ დადებული ხელშეკრულების გაბათილება ძალიან ადვილია. იმ მხარეს, რომელიც არის ციხეში, მერე შეუძლია თეორიულად თქვას, რომ ხელშეკრულება ძალით გააფორმებინეს. ამიტომაა ძალიან მნიშვნელოვანი, რომ საბოლოო ხელშეკრულების დადებისთვის მაია რჩეულიშვილი გარეთ იყოს, ვინაიდან მაია არის ის ადამიანი, რომელიც იურიდიულად პასუხისმგებელია ყველაფერზე და საბოლოო ხელშეკრულებას მან უნდა მოაწეროს ხელი. ამიტომ ვითხოვთ ჩვენ, რომ მაია და რუსუდანი რაც შეიძლება მალე გამოვიდნენ გარეთ, რომ ჩვენ ეს პროცესი დავასრულოთ“ აცხადებს გურამ რჩეულიშვილმა.

შეგახსენებთ, რომ მაია რჩეულიშვილსა და რუსუდან კერვალიშვილს ოთხ-ოთხი წლით თავისუფლების აღკვეთა აქვთ მისჯილი.