მასწავლებელს, რომელსაც მოსწავლე სექსუალურ შევიწროებაში ადანაშაულებს, ბრალს დღეს წარუდგენენ

მასწავლებელს, რომელსაც მოსწავლე სექსუალურ შევიწროებაში ადანაშაულებს, ბრალს დღეს წარუდგენენ - მას 5-დან 7 წლამდე პატიმრობა ემუქრება

სამართალი - 10:09, 02 Apr, 2018

2452

15 წლის მოზარდი, რომელმაც მწვრთნელი სექსუალურ შევიწროებაში დაადანაშაულა დაზარალებულად ცნეს..

გამოძიების მიმდინარეობის ფარგლებში არასრულწლოვანი ადვოკატთან და სამართალდამცველებთან ერთად დღის ბოლოს პედაგოგის ავტოფარეხსა და საცხოვრებელ ბინაში იმყოფებოდა - იქ, სადაც დაზარალებულის ინფორმაციით, ასაკოვანმა მამაკაცმა მის მიმართ გარყვნილი ქმედება ჩაიდინა.

სექსუალურ შევიწროებაში დადანაშაულებულ ჩხოროწყუს ქალთა საფეხბურთო გუნდის მწვრთნელს კი ბრალს დღეს ოფიციალურად წარუდგენენ

1952 წელს დაბადებული ა.კ. სენაკში დააკავეს. მის მიერ ჩადენილი დანაშაული 5-დან 7 წლამდე ვადით თავისუფლების აღკვეთას ითვალისწინებს.

გამოძიებით დადგინდა, რომ მიმდინარე წლის 23 მარტს, ჩხოროწყუს ქალთა საფეხბურთო გუნდის მწვრთნელმა ა.კ.-მ, თავის კუთვნილ ავტოფარეხში და საცხოვრებელ ბინაში, მასთან დროებით მცხოვრები, 2002 წელს დაბადებულ ვ.კ.-ს მიმართ გარყვნილი ქმედება ჩაიდინა.

დაკავებული ჩადენილ დანაშაულს აღიარებს.

გამოძიება სრულწლოვნის მიერ წინასწარი შეცნობით თექვსმეტი წლის ასაკს მიუღწეველთან, ძალადობის გარეშე ჩადენილი გარყვნილი ქმედების ფაქტზე მიმდინარეობს, საქართველოს სსკ-ის 141-ე მუხლის 1-ლი ნაწილით.