66 წლის პედაგოგი, რომელსაც 15 წლის გოგონა სექსუალურ ძალადობაში ადანაშაულებს, დაკავებულია

სამართალი - 16:42, 01 Apr, 2018

2932

66 წლის პედაგოგი, რომელსაც 15 წლის მოზარდი გარყვნილ ქმედებაში ადანაშაულებს, სამართალდამცავებმა დააკავეს.

როგორც ,,ნიუპოსტს“ შს სამინისტროდან აცნობეს, მამაკაცი სსკ-ის 141 ნუხლის პირველი ნაწილითაა დაკავეული და მას 5-დან 7 წლამდე პატიმრობა ემუქრება.

„შინაგან საქმეთა სამინისტროს სამეგრელო-ზემო სვანეთის პოლიციის დეპარტამენტის თანამშრომლებმა, ჩატარებული ოპერატიულ-საგამოძიებო მოქმედებების შედეგად, წინასწარი შეცნობით თექვსმეტი წლის ასაკს მიუღწეველთან გარყვნილი ქმედების ბრალდებით, 1952 წელს დაბადებული ა.კ. სენაკში დააკავეს. მის მიერ ჩადენილი დანაშაული 5-დან 7 წლამდე ვადით თავისუფლების აღკვეთას ითვალისწინებს.

გამოძიებით დადგინდა, რომ მიმდინარე წლის 23 მარტს, ჩხოროწყუს ქალთა საფეხბურთო გუნდის მწვრთნელმა ა.კ.-მ, თავის კუთვნილ ავტოფარეხში და საცხოვრებელ ბინაში, მასთან დროებით მცხოვრები, 2002 წელს დაბადებულ ვ.კ.-ს მიმართ გარყვნილი ქმედება ჩაიდინა.

დაკავებული ჩადენილ დანაშაულს აღიარებს.

გამოძიება სრულწლოვნის მიერ წინასწარი შეცნობით თექვსმეტი წლის ასაკს მიუღწეველთან, ძალადობის გარეშე ჩადენილი გარყვნილი ქმედების ფაქტზე მიმდინარეობს, საქართველოს სსკ-ის 141-ე მუხლის 1-ლი ნაწილით“ - ნათქვამია უწყების განცხადებაში.

15 წლის გოგონა პედაგოგს სექსუალურ შევიწროებაში ადანაშაულებს. ვიდეო 15 წლის გოგომ მასზე სექსუალური ძალადობის დროს პედაგოგის სახლში გადაიღო.

,,კურიერში“ გასული ანონის შემდეგ, მოზარდი გამოკითხვაზე დაიბარეს. მოზარდი 3 საათის განმავლობაში ყვებოდა მასზე განხორციელებული სექსუალური ძალადობის დეტალებს. საქმეში ჩართულია ახალგაზრდა იურისტთა ასოციაცია. მოზარდი შემთხვევის დეტალებს საიას წარმომადგენლის თანდასწრებით ჰყვებოდა.