ინციდენტი ოზურგეთის პოლიციის განყოფილებაში

ინციდენტი ოზურგეთის პოლიციის განყოფილებაში - შსს განმარტებას აკეთებს

სამართალი - 19:03, 26 Mar, 2018

3802

"ნიუპოსტის" რეგიონალური კორესპოდენტის ცნობით, ოზურგეთის მუნიციპალიტეტის სოფელ დვაბზუში მცხოვრები 35 წლის ჯაბა წეროძე 112-ის ბრიგადამ ოზურგეთის პოლიციის წინასწარი დაკავების იზოლატორიდან, ოზურგეთის სამედიცინო ცენტრის რეანიმაციულ განყოფილებაში გადაიყვანა.

არსებული ინფორმაციით, მამაკაცი აცხადებს, რომ ის პოლიციამ სასტიკად სცემა.

მომხდართან დაკავშირებით ,,ნიუპოსტთან“ განმარტებას აკეთებს შინაგან საქმეთა სამინისტრო. უწყებიც ცნობით, აღნიშნული პირი გამთენიისას შეიჭრა ოზურგეთის რიონული პოლიციის სამორიგეო ნაწილში, იქ განთავსებული კომპიუტრის მონიტორი დააზიანა და პოლიცელებს სიტყვიერი შეურაცხყოფა მიაყენა, რის გამოც ის ადგილზევე დააკავეს. შსს-ს ინფორმაციით, მამაკაცი ნასვამ მდგომარეობაში იყო.

„დაკავებიდან რამდენიმე საათში თქვა, რომ შეუძლოდ იყო და მისივე მოთხოვნით გამოიძახეს სასწარაფო სამედიცინო დახმარების ჯგუფი, დათვალიერების შემდეგ მან განაცხადა და ამის შესაბამისი ოქმი არსებობს, რომ იგი პოლიციაში მისვლამდე წაიქცა და სახის არეში მიიღო დაზიანება. რამდენიმე საათის შემდეგ, კვლავ განმეორებით მოითხოვა სამდიცინო შემოწმება, მამაკაცი გადაიყვანეს საავადმყოფოში მისივე მოთხოვნით, სამედიცინო დაწესებულებაში მას კომპელქსური შემოწმება ჩაუტარდა და ექიმის დასკვნის თანახმად, აღნიშნულ პირს სხვა სახის დაზიანება, რომელიც მან პოლიციაში მისვლამდე წაქცევის შედეგად მიიღო, არ აღენიშნება“ - აცხადებენ უწყებაში.

შს სამინისტროს ცნობით, მომხდართან დაკავშირებით საქმე აღძრულია სისხლის სამართლის კოდექსის 187-ე მუხლის პირველი ნაწილით, რაც ნივთის დაზიანებას ან განადგურებას გულისხმობს.