მერაბ კვირიკაშვილის საქმის განხილვა 5 აპრილს გაგრძელდება - დღეს პროცესზე ავტოავარიისას დაღუპული გიორგი პაპაკირის მამა დაკითხეს

სამართალი - 16:08, 19 Mar, 2018

2362

ქუთაისის საქალაქო სასამართლოში, საქართველოს ეროვნული ნაკრების მორაგბის, მერაბ კვირიკაშვილის საქმის არსებითი განხილვა გაიმართა. პროცესზე ბრალდების მხარის მოწმე ავტოავარიის შედეგად გარდაცვლილი გიორგი პაპაკირის მამა მალხაზ პაპასკირი დაკითხეს. მისი თქმით, ის არ აპირებს შურისძიებას და მისთვის მთავარია სიმართლის დადგენა

"ჩემი სურვილია, რომ ჩემს შვილიშვილს, რომელიც ობოლია, გავცე პასუხი, თუ რატომ არ ჰყავს მას მშობლები. ამნაირი ტრაგედია ყველას შეიძლება მოუვიდეს და გამიჩნდა მის მიმართ სიბრალულის განცდა, მაგრამ უნდა ყოფილიყო აღიარება ამ დანაშაულის ჩემსა და უფლის წინაშე." - განაცხადა სასამართლო პროცესზე პაპასკირმა.

პროცესს ბრალდებული კვირიკაშვილიც ესწრებოდა, რომელმაც პროცესის დასრულების შემდეგ მედიასთან კომენტარი არ გააკეთა.

საქმის არსებითი განხილვა მოსამართლემ, მურთაზ კაპანაძემ 5 აპრილს 16:00 საათზე ჩანიშნა.

საქმე 2016 წელს ქუთაისის შემოვლით გზაზე მომხდარ ავტოსაგზაო შემთხვევას უკავშირდება, რის შედეგადაც კვირიკაშვილის მეუღლე და შემხვედრ ავტომობილში მყოფი სამი ადამიანი დაიღუპა.