"ზურაბ ნეფარიძემ დაადასტურა, რომ ფარული ჩანაწერი ასახავს მის სექსუალურ ურთიერთობებს და ვიდეო მის კაბინეტშია გადაღებული"

სამართალი - 19:34, 15 Mar, 2018

6386

საკრებულოს ყოფილი დეპუტატის, ზურაბ ნეფარიძის ადვოკატის თქმით, სასჯელაღსრულების #8 დაწესებულებაში გამართულ სხდომაზე მისმა კლიენტმა "დაადასტურა, რომ ფარული ვიდეოჩანაწერი, რომელიც პროკურატურის ნებართვით განხორციელდა, ასახავს პირადი ცხოვრების გარემოებებს, სექსუალურ ურთიერთობებს".
ედიშერ ქარჩავას განცხადებით, ქრთამის აღების ბრალდებით დაკავებულმა ნეფარიძემ სასამართლოს წინაშე აღნიშნა, რომ რომ პროკურატურა მას აღნიშნული ვიდეოჩანაწერის გავრცელებით აშანტაჟებდა.

"ნეფარიძემ დღეს ისიც თქვა პროცესზე, რომ მას პროკურატურაში დასცინოდნენ, რადგან აღნიშნული ვიდეოჩანაწერი გააჩნდათ და სთხოვდნენ ქრთამის აღების აღიარებას. აღნიშნული ვიდეოჩანაწერი გაკეთებულია მის სამუშაო ოთახში. ამის შესახებ ყველა საუბრობს და იციან, რომ ეს კადრები არსებობს. საგამოძიებო ორგანო მის ღირსებასა და ავტორიტეტზე მოქმედებს, თუ როგორ ახორციელებდა თურმე პიროვნება სექსუალურ ურთიერთობას თავის სამუშაო კაბინეტში. ამის გამო ის სასოწარკვეთაში ჩავარდა და გაუარესდა მისი ჯანმრთელობის მდგომარეობა“, - განაცხადა ედიშერ ქარჩავამ.