ხორავას ქუჩაზე მოკლული დავით სარალიძის მამა თბილისის პროკურატურას მიმართავს და უწყებისგან ბორის კაკუბავას მიერ გაკეთებულ განცხადებებზე რეაგირებას ითხოვს.

"ბორის კაკუბავამ გააჟღერა ასეთი ინფორმაცია, რომ მის შვილიშვილებს აშანტაჟებდნენ, ტუალეტში აყოფინებდნენ თავს და აწერდნენ ფულს. რადგან არასრულწლოვნებს ასე ძლიერად იცავს საქართველოს კანონმდებლობა, მოვითხოვ ჩემი შვილის, ლევანის და მათი მეგობრების უფლებებიც იყოს დაცული. შეისწავლონ, რატომ და რის საფუძველზე გააჟერა ეს ინფორმაცია და თუ სიმართლეს არ შეესაბამება, მიეცეს სამართლებრივი შეფასება. თავდასხმა თავდაცვის ყველაზე საუკეთესო საშუალებაა, რაც ამ წუთში ჩემი აზრით, ბორის კაკუბავამ გამოიყენა“, - განაცხადა ზაზა სარალიძემ.

კაკუბავა სისხლიანი გარჩევის ერთ-ერთი მონაწილის ბაბუაა. ყოფილი დეპუტატი ხორავს ქუჩაზე დატრიალებულ ტრაგედიას საზღვარგარეთიდან გამოეხმაურა და განცხადა, რომ სისხლიან დაპირისპირებას წინ კონკრეტული კონფლიქტი უძღოდა.