სკანდალი: "კადრები მძიმეა, მისი აღწერა მიჭირს"- რა ფირი დაუდეს ქრთამის აღების ბრალდებით დაკავებული ნეფარიძის შვილს

სამართალი - 12:07, 15 Mar, 2018

5251

საკრებულოს ყოფილი დეპუტატის, ზურაბ ნეფარიძის შვილი, პროკურატურის მხრიდან მათ ოჯახზე განხორციელებულ ზეწოლის დეტალებს იხსენებს. ზურა ნეფარიძის თქმით, მამის წინააღმდეგ ჩვენება, დაკავებულის პირადი ცხოვრების ამსახველი ფირების ინტერნეტსივრცეში გავრცელების მუქარის შედეგად მიაცემინეს.

ქრთამის აღების ფაქტზე დაკავებული მაღალჩინოსანის შვილი, აცხადებს რომ სახელმწიფო უსაფრთხოების სამსახურის შენობაში გამართულ შეხვედრას სუს-ის რამდენიმე მაღალჩინოსანი ესწრებოდა.
მასზე კი უშუალო ზეწოლას, საქმის პროკურორი, ბექა ეჟიშვილი ახდენდა.

დაკავებულის შვილი, აღნიშნავს, რომ კადრები, რომელიც მას სუს-ში აჩვენეს, "იმდენად მძიმეა, რომ მისი აღწერა არ შეუძლია".
ამასთან, ნეფარიძის განცხადებით, სამის პროკურორი მასსა და მის მეუღლეს დაკავებით ემუქრება.
"ისეთი ვიდეოებია, რომ თქმა მიჭირს, ეს მასალები მოდულის შენობაში დამიდეს. ამ ყველაფერს პროკურორი ბექა ეჟიშვილი ესწრებოდა. დღეს ჩემი და ჩემი მეუღლის წინააღმდეგ მიმდინარეობს ზეწოლა, დაკავებით გვემუქრებიან. ოჯახი ბოლომდე გაგვანადგურეს"- განაცხადა ზურა ნეფარიძენ.

ცნობისთვის, ქრთამის აღების ბრალდებით დაკავებული საკრებულოს ყოფილი დეპუტატის ზურაბ ნეფარიძის ადვოკატმა "ნიუპოსტს" უთხრა, რომ დაკავებულსა და მის ოჯახს პირადი ცხოვრების კადრების გამოქვეყნებით აშანტაჟებენ.

საკრებულოს ყოფილი დეპუტატი ზურაბ ნეფარიძე ქრთამის აღების ბრალდებით აგვისტოში დააკავეს. მას ბრალად ქრთამის აღება ედება. პროკურატურის ინფორმაციით, ბრალდებული ერთ-ერთ თანამშრომელს, დალი მამულაშვილს ყოველთვიურად ხელფასიდან 400 ლარს სძალავდა, წინააღმდეგ შემთხვევაში კი სამსახურიდან გათავისუფლებით ემუქრებოდა.

პროკურორის განცხადებით, დანაშაულში ჩართული იყო დეპუტატის შვილი ზურაბ ნეფარიძეც, რომელიც პროკურატურამ მათთან თანამშრომლობის შემდეგ გაათავისუფლა.