იუსტიციის საბჭოს არამოსამართლე წევრი ანა დოლიძე უვადო მოსამართლეობის მსურველთა იმ კანდიდატთა ქმედებას აპროტესტებს, რომლებმაც მისი აცილება საჯარო განცხადებების საფუძველზე მოითხოვეს. დოლიძემ საქალაქო სასამართლოში საჩივარი შეიტანა, მის უფლებებს „საია“ დაიცავს, იურისტი, მიხეილ ჯახუა აღნიშნავს, რომ ანა დოლიძის აცილების გადაწყვეტილება უკანონო იყო:

„ანა დოლიძის აცილება მოხდა კონკრეტული მოსამართლეების უვადოდ დანიშვნის პროცედურიდან და აცილების საფუძველი გახდა მის მიერ საჯაროდ გამოხატული პოზიცია სასამართლოს სისტემაში არსებულ ხარვეზებთან დაკავშირებით. ეს განცხადება არ იყო მიმართული იმ კონკრეტული მოსამართლეების მიმართ, რომელთა დაკავშირებითაც მოხდა ანა დოლიძის აცილება და ქედან გამომდინარე, მიგვაჩნია, რომ აცილების გადაწყვეტილება იყო უკანონო,“ - განაცხადა მიხეილ ჯახუამ.