მოსამართლეების მიერ ანა დოლიძის აცილების საქმე - საია სასამართლოში სარჩელს შეიტანს

სამართალი - 10:13, 05 Mar, 2018

1562

ახალგაზრდა იურისტთა ასოციაცია ანა დოლიძის სახელით საქალაქოს სასამართლოში სარჩელს შეიტანს. იუსტიციის საბჭოს პრეზიდენტის მიერ დანიშნული არამოსამართლე წევრი უვადო მოსამართლეობის მსურველთა იმ კანდიდატების ქმედებას ასაჩივრებს, რომლებმაც მისი აცილება საჯაროდ განცხადებების საფუძველზე მოითხოვეს.

რამდენიმე კვირის წინ, იუსტიციის საბჭოში უვადოდ დანიშვნის მსურველ მოსამართლეებთან გასაუბრებისას, საბჭოს არამოსამართლე წევრ ანა დოლიძეს 14 მოსამართლის შერჩევის პროცესში მონაწილეობის მიღების უფლება არ მიეცა. დოლიძის აცილება თავად მოსამართლეებმა მოითხოვეს.

საიას იურისტის თქმით , აცილების გადაწყვეტილებები არ იყო დასაბუთებულად მიღებული ვინაიდან არანაირი საფუძველი იმისა, რომ კონკრეტული მოსამართლეების მხრიდან მომხდარიყო მისი აცილება, არ არსებობდა ამით ანა დოლიძის, როგორც საბჭოს წევრის კონსტიტუციური უფლება დაირღვა.

„დაუშვებელია, რომ იუსტიციის უმაღლესი საბჭოს წევრის მიერ საჯაროდ გაკეთებული კრიტიკული მოსაზრებები ზოგადად სისტემის გაუმართაობასთან დაკავშირებით გახდეს მისი აცილების საფუძველი,“-განაცხადა საია-ს იურისტმა მიშა ჯახუამ.