სააპელაციო სასამართლო „საზოგადოებრივი მაუწყებლიდან“ ჟურნალისტ ეკა მიშველაძის გათავისუფლების საქმეზე დღეს პირველ სხდომას გამართავს.

„საზოგადოებრივი მაუწყებელი“ პირველი ინსტანციის სასამართლოს გადაწყვეტილებას ასაჩივრებს, რომელმაც ეკა მიშველაძის სარჩელი ნაწილობრივ დააკმაყოფილა.

ჟურნალისტის ადვოკატი კი სასამართლოსგან დისკრიმინაციის შედეგად მიყენებული მორალური ზიანის ანაზღაურებასაც ითხოვს.

,,ჩვენც მივმართეთ სააპელაციო სასამართლოს იმ ნაწილში, რომ დაედგინა დისკრიმინაცია. ჩვენ ვფიქრობთ, რომ ეკა მიშველაძის გათავისუფლება არამხოლოდ უკანონო იყო ეს იყო დისკრიმინაციული ხასიათის,“- აცხადებს ადვოკატი ნონა ქურდოვანიძე.