საქართველოს შინაგან საქმეთა ყოფილი მინისტრი დღეს ბუტა რობაქიძის საქმეზე დაკითხეს. დაკითხვიდან გამოსულმა ოქრუაშვილმა, ჟურნალისტებთან საუბრისას აღნიშნა, რომ მან დღეს ორივე მხარეს იმედი გაუცრუა:

„​ორივე მხარე ელოდებოდა, რომ ერთის დანაშაული მემტკიცებინა და მეორის უდანაშაულობა. ამ ყველაფრის შესახებ პრესიდან გავიგე. ჩემი მინისტრობის პერიოდში მოხდა დანაშაული, მაგრამ 2004 წლის ზაფხულში მე ხელი მოვაწერე შსს-ში 40 ათასამდე ადამიანის დანიშვნას. ეს არ ნიშნავს, რომ 40 ათასივეს საქციელზე პასუხს ვაგებდი.

ბებიაჩემის ქელეხში 500 ადამიანი იჯდა, მაგრამ ის ადამიანები რას აკეთებდნენ იქ, მე თითოეულ მათგანზე პასუხს ვერ ვაგებ. მით უმეტეს, რომ თუ დანაშაული მოხდა, პროკურატურის ქვემდებარე იყო საქმე თავიდანვე და მას უნდა გამოეძიებინა“,- განაცხადა ირაკლი ოქრუაშვილმა.