მათთვის, ვისაც სმარტფონები აქვთ, სელფის გარეშე დღე ალბათ, ვერ წარმოუდგენიათ.

თუმცა ამ ტიპის ფოტო სკოლის ზოგიერთ მოზარდში უარყოფით გავლენასაც ახდენს და ფსიქოლოგიურ პრობლემებსაც იწვევს.

სელფის გამო მოზარდები საკუთარ გარეგნობაზე მეტად დარდობენ და ფიქრობენ, რომ სოციალური მედია მათგან გამხდარ ტანს მოითხოვს.

ამასთან, თინეიჯერები საკუთარ აღნაგობას ხშირად ადარებენ მეგობრების მიერ სოციალურ ქსელებში ატვირთულ ფოტოებს. მეცნიერები შიშობენ, რომ ფოტოების გამო ბევრ ადამიანს საკუთარი გარეგნობის მიმართ პროტესტი უჩნდებათ. არ მოსწონთ თავიანთი სახე, ტანი და ცდილობენ სხვეს დაემსგავსონ, რაც ბუნებრივია, ხშირად არ გამოსდით, რაც მათ დათრგუნვას იწვევს. ეს ყველაფერი კი მათ ხასიათზეც აისახება.