"სიტყვა ინტიმი სულაც არ არის სალანძღავი, საქმეში ბევრი სკანდალური დეტალია"- შეყვარებულის მკვლელობაში ბრალდებულის ადვოკატი

სამართალი - 14:10, 24 Feb, 2018

19669

20 წლის შეყვარებულის მკვლელობაში ბრალდებულის, ლადო გრიგალაშვილის ადვოკატი, ნაირა ოტიაშვილი თვლის, რომ მას ანა ნაცვლიშვილის პირადი ცხოვრების დეტალები არ გაუსაჯაროებია.

როგორც "ნიუპოსტს"ოტიაშვილმა უთხრა, მან "ძალიან კორექტულად, გაავრცელა სამეში არსებული დეტალი".

"ჩემი განცხადება არ იყო დეტალური, ზოგადი განცხადება გავაკეთე, არავის უფლება მე არ დამირღვევია. ჟურნალისტებისთვის მე დეტალური ინფორმაცია არ მიმიცია. რაც შეეხება მესამე პირს, ეს საქმის მასალებიდან გამომდინარე ვთქვი"- აღნიშნა ადვოკატმა.

ოტიაშვილს უკვირს, "რატომ არის ინტიმური ურთიერთობა სალანძღავი სიტყვა".

"საერთოდ, სიტყვა ინტიმი სულაც არ არის სალანძღავი სიტყვა, სავარაუდოდ არასწორად ესმის ხალხს. ეს აბსოლუტუტად ცივილური ფორმაა რაიმე ურთიერთობის გამოხატვისას. სულაც არ არის სავალდებულო ამას ქვეტექსტები დავუდოთ"- აღნიშნა იურისტმა.

მისი თქმით, საქმეში "ბევრი სკანდალური დეტალია", რაზეც ვერ ისაუბრებს.

ცნობისთვის, ნაირა ოტიაშვილმა გუშინ ჟურნალისტებთან არ გამორიცხა, რომ ანა ნაცვლიშვილის მკვლელობაში მესამე პირი ფიგურირებდეს.

ადვოკატის განმარტებით საქმეში შავი ფერის BMW მარკის ავტომობილის მძღოლი ფიგურირებს, რომელთანაც ადვოკატის თქმით, 20 წლის გოგონას ინტიმური კავშირი ჰქონდა. თუმცა არა კავშირი აქვს ამ საკითხს ნაცვლიშვილის მკვლელობაზე, ამაზე ადვოკატს არ უსაუბრია.

ოტიაშვილის განცხადებას, ადვოკატთა ასოციაციის თავმჯდომარე გამოეხმაურა.

დავით ასათიანი, აცხადებს, რომ ბრალდებულის ადვოკატის მხრიდან თემქაზე მოკლული გოგოს პირადი ცხოვრების დეტალების საჯაროდ გავრცელება მიუღებელია და არ შეესაბამება ადვოკატის როლსა და საქმიანობის პრინციპებს.