გიორგი სანაიას ოჯახი პროკურატურას მიმართავს და ყოფილი მაღალჩინოსნების დაკითხვას ითხოვს

სამართალი - 13:41, 24 Feb, 2018

2980

გიორგი სანაიას ოჯახი პროკურატურას საქმის ხელახალი გამოძიების მოთხოვნით კიდევ ერთხელ მიმართავს.
როგიორც მოკლული ჟურნალისტის ძმამ, ვახო სანაიამ აღნიშნა, გამოძიების დაწყების საფუძველი კოტე ციხისთავის განცხადება უნდა გახდეს.
სანაია ითხოვს, დაიკითხოს ყველა ის პირი ვინც ციხისძმა "კურიერისთვის" მიცემულ ექსკლუზიურ ინტერვიუში დაასახელა.

გიორგი სანაიას ძმის განცხადებით, პოლიტიკურ მკვლელობას ჰყავდა შემკვეთები, ორგანიზატორები, დამხმარეები და შემსრულებლები.

“კოტე ციხისთავი პირდაპირ აცხადებს, რომ იცის ვინ იყვნენ ამ მკვლელობის ორგანიზატორები და მან დაასახელა ყოფილი მაღალჩინოსნები. ამბობს, რომ მკვლელობის შემსრულებელი იყოს შოთა ჭიჭიაშვილი. ვითხოვთ, პროკურატურამ რეაგირება მოახდინოს. რამდენიმე დღეში, ოფიციალურად, წერილობითაც მივმართავთ პროკურატურას, რომ დაიწყოს გამოძიება, დაკითხოს კოტე ციხისთავი. ჩვენ არ ვიცით, რა ინტერესით და რატომ დაიწყო ახლა მან ამ თემაზე საუბარი. ჩვენ ამდენი წელია ვითხოვთ ამ საქმის გამოძიებას"- თქვა ჟურნალისტმა.
ვახო სანაიას თქმით, ტელეეთერით გასული განცხადების შემდეგ, სანაიებს პროკურატურიდან არვიბ დაკავშირებია.
ცნობილი ჟურნალისტის, გიორგი სანაიას ბურუსით მოცული მკვლელობის შესახებ ნომერ პირველ ტერორისტად ცნობილი შოთა ჭიჭიაშვილის ბანდის ყოფილი წევრის, კონსტანტინე ციხისთავის სკანდალური ინფორმაცია წინა კვირას გავრცელდა, პატიმარი ამბობს, რომ 26 წლის ჟურნალისტის მკვლელობა პოლიტიკურ ნიადაგზე, მაშინდელი ხელისუფლების მაღალჩინოსნების დავალებით მოხდა.

მისივე თქმით, მკვლელობის ფალსიფიცირებული მოტივი წინასწარ, ჯერ კიდევ გიორგი სანაიას სიცოცხლეში შეიქმნა, 26 წლის ახალგაზრდა კი შოთა ჭიჭიაშვილმა მოკლა. დამკვეთებს შორის თამაზაშვილს გვარმა გუშინ პირველად გაიჟღერა.

დღეს გიორგი სანაიას დაბადების დღეა. 2001 წელს მოკლულ ჟურნალისტს 43 წელი შეუსრულდებოდა.