ანა ნაცვლიშვილის მკვლელობაში ბრალდებულ ლადო გრიგალაშვილს თბილისის საქალაქო სასამართლომ აღკვეთის ღონისძიების სახით პატიმრობა შეუფარდა.

შეგახსენებთ, რომ 20 წლის ანა ნაცვლიშვილი თბილისში, ზღვის უბანში მოკლული გუშინ იპოვეს. გამოძიების ფარგლებში სამართალდამცავებმა დააკავეს მისი მეგობარი მამაკაცი ლადო გრიგალაშვილი.

საქმის პროკურორის, გრიგოლ ბიბილაშვილის ინფორმაციით, გარდაცვლილს თავისა და კისრის არეში დანით 7 ჭრილობა აქვს მიყენებული.

ბრალდების მხარე პატიმრობის შეფარდებას ითხოვს და მტკიცებულებებზე საუბრობს. პროკურორის ინფორმაციით დაკავებულმა 21 წლის ანა ნაცვლიშვილს ყელის არეში მიაყენა ჭრილობები. გარდაცვლილის შვიდი ჭრილობა აქვს მიყენებული. ბრალდების მტკიცებით, ლადო გრიგალაშვილი მკვლელობის კვალის დაფარვის მიზნით თავად მივიდა მოკლული გოგოს მამასთან და მისი გაუჩინარების შესახებ აცნობა. ის გარდაცვლილის მშობლებთან ერთად ჩაერთო გოგონას ძებნაში.

პროკურორის ინფორმაციით ბრალდებულის ავტოფარეხის ჩხრეკისას ამოღებულია ნივთმტკიცებად მკვლელობის იარაღი-დანა.

მომდევნო პროცესი თბილისის საქალაქო სასამართლოში 17 აპრილს გაიმართება.