მესამე პირი და ავტომანქანა 20 წლის გოგოს მკვლელობის საქმეში - "მძღოლსა და მოკლულს შორის ინტიმური ურთიერთობა იყო"

სამართალი - 16:59, 23 Feb, 2018

41478

20 წლის ანა ნაცვლიშვილის მკვლელობაში ბრალდებულ ლადო გრიგალაშვილს ბრალი წაუყენეს. წინასწარი დაკავების იზოლატორიდან გამოსულმა ადვოკატმა კი მედიასთან სკანდალური განცახდება გააკეთა.

ნაირა ოტიაშვილი არ გამორიცხავს, რომ მკვლელობაში მესამე პირი ფიგურირებდეს.

ადვოკატის განმარტებით საქმეში შავი ფერის BMW მარკის ავტომობილის მძღოლი ფიგურირებს, რომელთანაც ადვოკატის თქმით, 20 წლის გოგონას ინტიმური კავშირი ჰქონდა. თუმცა არა კავშირი აქვს ამ საკითხს ნაცვლიშვილის მკვლელობაზე, ამაზე ადვოკატს დღეს არ უსაუბრია.

"საქმეში ფიგურირებს BMW მარკის ავტომობილის მძღოლი, რომლის ვინაობასაც ამ ეტაპზე ვერ დავასახელებ. არის რაღაც ურთიერთობები. როგორც საქმიდან ირკვევა, შავი BMW მარკის ავტომობილის მძღოლსა და მოკლულს შორის ინტიმური ურთიერთობა იყო... ვისთან ერთად იყო ხალათით, ეს გამოძიების დასადგენია. ლადოს მიერ ნამდვილად არ არის მოკლული"- აღნიშნა ადვოკატმა.

მისივე თქმით, ლადო გრიგალაშვილი დუმილის უფლებას იყენებს.

რაც შეეხება მოკლულის ტელეფონში დაფიქსირებულ ზარებს და მოკლეტექსტურ შეტყობინებებს, ნაირა ოტიაშვილი აცხადებს,რომ "რადგან შეყვარებულები იყვნენ, ლადო გრიგალაშვილი 4:00 საათამდე ემესიჯებოდა ანა ნაცვლიშვილს".