ატენის ქუჩის მაცხოვრებლები თბილისის მერიის წინააღმდეგ - მოსახლეობა სასამართლო დავას იწყებს. ადვოკატი დიმიტრი გაბუნია სარჩელს თბილისის საქალაქო სასამართლოში დღეს შეიტანს და ატენის ქუჩაზე, მრავალსართულიანი კორპუსის ასაშენებლად ნებართვის გაუქმებას მოითხოვს.

„წარმოუდგენელია 60 სანტიმეტრის დაცილებით ამხელა მშენებლობის წარმოება. ყველაფერს რომ თავი დავანებოთ, ადამიანის საფრთხეში ჩაგდება მხოლოდ იმისთვის, რომ ინვესტორს უნდა თავისი ფინანსური ინტერესების სანაცვლოდ რაც შეიძლება სწრაფად დაასრულოს ეს სახლი. შეიძლება საქმე გვქონდეს პოლიტიკურ კორუფციასთანაც. არ არის გამორიცხული. ჩვენ ამას ვამბობთ, ეს ჩვენი ეჭვია, ჩვენ გვაქვს უფლება გვქონდეს ეჭვი,"-აცხადებს ადვოკატი დიმიტრი გაბუნია.