მოსამართლე მაკა გველესიანმა ე.წ. ჩაწყობილი თამაშების საქმეში დაკავებულები პატიმრობაში დატოვა. აღსანიშნავია, რომ დაკავებულებს თავდებში ცნობილი ადამიანები უდგებოდნენ.

დაკავებულებს – ვაჟა კვარაცხელიას, თემურ დათიკაშვილსა და ზაზა მაჩალაძეს თავდებში უდგებოდნენ კალათბურთელი კახაბერ შენგელია და სპორტის სფეროში ცნობილი პირები: ანატოლი ბოისა, ჯამლეტ ხუხაშვილი, ამბროსი ორმოცაძე და ებრაელთა კავშირის თავმჯდომარე ეზრა პალაკაშვილი.

ადვოკატებმა სასამართლოს 5-5 ათასი ლარიანი გირაოს შეფარდების შუამდგომლობით მიმართეს, მოსამართლემ დაცვის მხარის შუამდგომლობა არ დააკმაყოფილა.

ჩაწყობილი თამაშების საქმეზე არსებითი განხილვა 22 თებერვალს დაიწყება.