რა ჩვენება მისცეს ხორავაზე მოკლული არასრულწლოვნების მშობლებმა? - მოზარდების მკვლელობის საქმის არსებითი განხილვა 9 თებერვალს განახლდება

სამართალი - 19:33, 01 Feb, 2018

2490

ხორავას ქუჩაზე მოზარდების მკვლელობის საქმის არსებითი განხილვა 9 თებერვალს განახლდება.

საქმის პროკურორის, ზვიად ფხაკაძის განცხადებით, პროცესზე მოკლული ლევან დადუნაშვილისა და დავით სარალიძის მშობლები დაიკითხნენ.

„მათ საქმესთან დაკავშირებულ დეტალებზე ისაუბრეს, თუ რა წყაროდან აქვთ ამ პირებს ინფორმაცია, რა ვითარებაში ან ვისგან შეიტყვეს, ეს სასამართლო სხდომაზე დააფიქსირეს, შესაბამისად, სასამართლომ ეს ინფორმაცია მიიღო.

ბრალდების მხარის მიერ წარდგენილ მტკიცებულებებში ასახული ინფორმაცია ადასტურებს ბრალდებულებისთვის ბრალად წარდგენილი ქმედების ჩადენას“, - აღნიშნა პროკურორმა.

მკვლელობაში ბრალდებული ერთ-ერთი ბრალდებული ადვოკატი, ტარიელ კაკაბაძე ამობობს, რომ დაკითხულებს რაიმე განსაკუთრებული, საქმისთვის მნიშვნელოვანი ინფორმაცია არ გააჩნდათ.

"დაკითხულმა პირებმა ისაუბრეს ბრალდებულთა შესახებ და მოგვაწოდეს ინფორმაციები, თუ რა პოზიციები ჰქონდათ საქმესთან დაკავშირებით. მოგეხსენებათ, ისინი თვითმხილველები არ არიან, შესაბამისად, რაიმე განსაკუთრებული, საქმისთვის მნიშვნელოვანი ინფორმაცია, არ გააჩნდათ, რაც შეეხება მათი ჩვენებების შინაარსს, არ მაქვს უფლება, გავაჟღერო.

ყველაზე მნიშვნელოვანი მოწმეები არიან თვითმხილველები, რომელთა ჩვენებასაც გამამტყუნებელი თუ გამამართლებელი განაჩენი უნდა დაეფუძნოს" - აცხადეს არასრულწლოვანი ბრალდებულის ადვოკატი.

შეგახსენებთ, პირველ დეკემბერს, ხორავას ქუჩაზე ორი არასრულწლოვანი მოკლეს.