მოზარდების დაჭრისთვის მათი ყოფილი კლასელი დააკავეს

სამართალი - 16:31, 01 Feb, 2018

2035

შინაგან სამეთა სამინისტრომ წითელ ბაღთან, 2 მოზარდის განზრახ მძიმე დაზიანების ბრალდებით 17 წლს ახალგაზრდა დააკავა:

როგორც ირკვევა ახალგაზრდა დაშავებულების ყოფილი კლასელია.

გამოძიების ინფორმაციით, სამი არასრულწლოვანის დაჭრის შემდეგ, ბრალდებული მიიმალა.

ცნობისთვის: "ნიუპოსტი" წყაროზე დაყრდნობით წერდა, რომ დაჭრაში ბრალდებული პოლიციამ დღის პირველ ნახევარში გაგარინის გმაზირზე მდებარე პოლიციის განყოფილებაში მიიყვანა, სადაც მისი დაკითხვა მიმდინარეობდა.

"ნიუპოსტი" გთავაზობთ შინაგან სამეთა სამინისტროს ოფიციალურ განცხადებას:

"შინაგან საქმეთა სამინისტროს თბილისის პოლიციის დეპარტამენტის ვაკე-საბურთალოს სამმართველოს თანამშრომლებმა, ჩატარებული ოპერატიულ-სამძებრო და საგამოძიებო ღონისძიებების შედეგად, 2000 წელს დაბადებული ა.ნ. ჯანმრთელობის განზრახ მძიმე დაზიანების ბრალდებით დააკავეს. მის მიერ ჩადენილი დანაშაული 3-დან 6 წლამდე ვადით თავისუფლების აღკვეთას ითვალისწინებს.

გამოძიებამ დაადგინა, რომ მიმდინარე წლის 31 იანვარს თბილისში, ალ.ყაზბეგის გამზირზე, ე.წ. წითელი ბაღის ტერიტორიაზე, ა.ნ.-მ ურთიერთშელაპარაკებისას ყოფილ თანაკლასელებს - 2000 წელს დაბადებულ ნ.ც.-ს და 2000 წელს დაბადებულ ი.ც.-ს ცივი იარაღით მუცლისა და გულმკერდის არეში თითო ჭრილობა, ხოლო 2000 წელს დაბადებულ ლ.ხ.-ს ხელზე მსუბუქი ჭრილობა მიაყენა და შემთხვევის ადგილიდან მიიმალა. სამივე დაჭრილი არასრულწლოვანი საავადმყოფოში გადაიყვანეს. მათ სიცოცხლეს საფრთხე არ ემუქრება.

სამართალდამცველებმა ა.ნ., ჩატარებული სამძებრო ღონისძიებების შედეგად, ცხელ კვალზე, თბილისში დააკავეს. პოლიციამ დანაშაულის ჩადენის იარაღი - დანა ნივთმტკიცებად ამოიღო.

გამოძიება ჯანმრთელობის განზრახ მძიმე დაზიანების ფაქტზე მიმდინარეობს, საქართველოს სსკ-ს 117-ე მუხლით"- ნათქვამია განცხადებაში.