ე.წ. ციანიდის საქმე - სააპელაციო სასამართლოში განხილვა დასასრულს უახლოვდება. პროცესზე დღეს დეკანოზ გიორგი მამალაძის ადვოკატი დასკვნითი სიტყვით წარსდგება. სხდომა სააპელაციო სასამართლოში 14:00 საათზე დაიწყება. დეკანოზის დაცვის მხარე იმედოვნებს, რომ პატიმრობიდან ზუსტად ერთი წლის თავზე - 10 თებერვალს გიორგი მამალაძეს გაათავისუფლებენ.

„მე ვიმედოვნებ, რომ აპელაცია შეძლებს და აღასრულებს სამართლიან მართლმსაჯულებას და გაითავისებს იმ დასკვნით სიტყვაში ყველა იმ მტკიცებულებების შეფასებიდან გამომდინარე, იმ რეალობას, რომ მამა გიორგი არის უდანაშაულო და მართლა ისტორიულ ნაბიჯს გადადგამს სააპელაციო სასამართლოს მოსამართლე,“ - აცხადებს დეკანოზ მამალაძის ადვოკატი მიხეილ რამიშვილი.