თბილისის საქალაქო სასამართლოში ე.წ. პიჯაკების საქმის მორიგი პროცესი მიმდინარეობს. დღევანდელი სხდომა ბრალდების მხარის წერილობითი მტკიცებულებების გამოკვლევით გაგრძელდება.

ბრალდების მხარის განცხადებით, პრეზიდენტმა საბიუჯეტო სახსრები საზოგადოებისთვის ფარულად, პირადი მოხმარებისთვის გამოიყენა, რომლის ოდენობაც 9 მილიონ ლარამდეა. მტკიცებულებებში წარმოდგენილი იქნება სხვადასხვა სახის ქვითრებიც. დაცვის მხარის განმარტებით, ფულის ხარჯვა კანონიერად ხდებოდა და მსგავსი ხარჯების გაწევა დაცვის სპეციალური სამსახურის მხრიდან სააკაშვილის საპრეზიდენტო ვადის ამოწურვის შემდგომაც გრძელდებოდა.

„ბოლო ექვსი თუ მეტი თვის განმავლობაში მიმდინარეობს მტკიცებულებათა გამოკვლევა. ამ მტკიცებულებებით ზუსტად დგინდება ის, რომ ამ საქმეში დამნაშავე არ არის სახელმწიფო დაცვის სპეციალური სამსახურის უფროსი, მეტიც, ამაში არც პრეზიდენტი სააკაშვილი არ არის დამნაშავე, ამ მტკიცებულებებს პროკურატურა გვაქვდის და ისევ და ისევ ასეთ ინფორმაციას ვიღებთ“, - აღნიშნავს თემურ ჯანაშია.