„ივანიშვილმა და მისმა მთავრობამ სიცოცხლე ჯოჯოხეთად მიქციეს... ყველაფერს ვაზღვევინებ“

„ივანიშვილმა და მისმა მთავრობამ სიცოცხლე ჯოჯოხეთად მიქციეს... ყველაფერს ვაზღვევინებ“ - მაჩალიკაშვილის მამა

სამართალი - 12:13, 26 Jan, 2018

3844

პანკისის ხეობაში ჩატარებული სპეცოპერაცისას სასიკვდილოდ დაჭრილი 19 წლის თემირლან მაჩალიკაშვილის მამა დარწმუნებულია, რომ სპეცდანიშნულების რაზმის წარმომადგენლები მათ ოჯახში შეცდომით შევარდნენ.

მაჩალიკაშვილს ტერორიზმის საქმეზე დაკავებული რუსლან ალდამოვის მიერ გაკეთებული სკანდალური განცხადების სჯერა.

ალდამოვი ამბობს, რომ სპეცრაზმის წარმომადგენლებს მისი მოკვლა უნდოდათ მის ნაცვლად კი 19 წლის თემიელან მაჩალიკაშვილი მოკლეს.

მალხაზ მაჩალიკაშვილი სპეცოპერაციის მონაწილე პირებისა და მათი ხელმძღვანელების დასჯას ითხოვს:

„ამ სახელმწიფოს იმედი უნდა მქონდეს, ამ დონეზე თუ ეშლებათ - სხვა ვიღაც უნდა მოეკლათ და მოდიან 19 წლის უმწეო, უდანაშაულო ბავშვს მიკლავენ. ალდამოვის განცხადება მოვისმინე, ალბათ, აქვს ამის თქმის საფუძველი. პირველივე დღიდან ვამბობდი, მაგათაც (სამართალდამცავებს) ვეუბნებოდი, რომ თქვენ ან არასწორ მისამართზე მოხვედით, ან სხვა რამეშია საქმე-თქო. როცა ვნახე, რომ თემირლანს შუბლში ჰქონდა მოხვედრილი ტყვია, მაშინვე ვთქვი - ან ამ ხალხს შეეშალა, ანდ შეეშინდათ.

ჩვენი მოთხოვნაა, საჯაროდ დაისაჯოს გომელაური და მისი ჯგუფი, სპეცრაზმი, რომელიც ბინძური ფეხებით შემოვიდა ჩემს სახლში,“ - აღნიშნა მაჩალიკაშვილმა.

მოკლული ბიჭის მამა ამბობს, რომ ყოფილმა პრემიერმა და მისმა მთავრობამ „სიცოცხლე ჯოჯოხეთად უქციეს“.

„ივანიშვილმა და მისმა მთავრობამ სიცოცხლე ჯოჯოხეთად მიქციეს. მე ამ ჯოჯოხეთის გზას უშიშრად გავივლი და მხოლოდ და მხოლოდ კანონის ფარგლებში ყველაფერს ვაზღვევინებ“ - აღნიშნა მალხაზ მაჩალიკაშვილმა.