მკვლელობა ხორავას ქუჩაზე - თბილისის საქალაქო სასამართლო არსებით განხილვას დღეიდან იწყებს. „პოსტქკრიპტუმმა“ გუშინ გრიფით საიდუმლო საქმიდან დოკუმენტი გაასაჯაროვა, სადაც საქმეში არსებული არა ერთი ხარვეზი ფიქსირდება.

"დაუდგენელია რა ვითარებაში, რა დროს მიადგათ კონკრეტულ პირებს დაზიანებები და მთავარი არის დაუდგენელი - ვინ მიაყენა დაზიანება. რადგან, თუ რამდენიმე ადამიანს მიადგა დაზიანება, სხვადასხვა პირის მიერ, ესეიგი სხვადასხვა პირი და სხვადასხვა დანები ფიგურირებდა საქმეში. საგამოძიებო ორგანო კი ამბობს ჯიუტად, რომ საქმეში ფიგურირებს ორი დანა. რა თქმა უნდა, ფაქტობრივი გარემოებები და საგამოძიებო ორგანოს პოზიცია აბსოლუტურად ეწინააღმდეგება ერთმანეთს," - აცხადებს ადვოკატი ტარიელ კაკაბაძე.