გაზეთ „ქრონიკა პლიუსის“ რედაქტორის ელისო კილაძის შვილის, დავით ხარშილაძის საქმის განხილვას სააპელაციო სასამართლო იწყებს. სახელმწიფო ბრალდებამ საქალაქო სასამართლოს გამამართლებელი განაჩენი სააპელაციოში გაასაჩივრა.

თავად ელისო კილაძე იმ პირების მიმართ ითხოვს გამოძიების დაწყებას, რომლებმაც მისი განცხადებით, ხარშილაძეს ნარკოტიკული საშუალება ჩაუდეს:

„საქართველოს მთავარმა პროკურატურამ, რომელმაც ახმედ ჩატაევს ბრალი მოუხსნა თავის დროზე, გაასაჩივრა ჩემი შვილის გამამართლებელი განაჩენი, იმის მაგივრად, რომ დაეწყო გამოძიება და დაესაჯა ის პირები, რომლებიც უშუალოდ მონაწილეობდნენ მისთვის ნარკოტიკების ჩადებასა და დავალების გაცემაში. მე ველოდები, რომ სააპელაციო სასამართლოც იქნება ადეკვატური, მოუსმენს დაცვის მხარეს, რომელსაც იგივე არგუმენტები ექნება, რა არგუმენტებიც ჰქონდა პირველი ინსტანციის სასამართლოში,“ - განაცხადა ელისო კილაძემ.