"რას მოიმოქმედებს ორი ქვეყნის ოლიგარქიული რეჟიმი ამის ვარაუდი გამიჭირდება"- სააკაშვილის ადვოკატი გოგაძე-ლუცენკოს შეხვედრაზე

სამართალი - 15:29, 15 Jan, 2018

1602

საქართველოს მესამე პრეზიდენტის მიხეილ სააკაშვილის ექსტრადირების თემაზე სასაუბროდ საქართველოს მთავარი პროკურორის მოადგილის კიევში ჩასვლას სააკაშვილის ადვოკატი ბექა ბასილაია ეხმაურება.
უფლებადამცველი ამბობს, რომ სააკაშვილის საქართველოში ექსტრადიციის სამართლებრივი საფუძვლები არ არსებობს.
"მათ შორის საუბრის უმნიშვნელოვანესი თემა ალბათ სააკაშვილთან დაკავშირებული საკითხები იქნებოდა. ბატონი ლუცენკო არის ის გენერალური პროკურორი, რომლის გენერალური პროკურორობის პერიოდში უკრაინამ უკვე ორჯერ უთხრა საქართველოს უარი მიხეილ სააკაშვილის ექსტრადიციაზე იმიტომ, რომ პოლიტიკური მოტივები იკვეთებოდა მიხეილ სააკაშვილის საქმეებში და ეს პოლიტიკური მოტივები შეწყალების საქმეზე კიდევ უფრო მკაფიოდ დადასტურდა, შესაბამისად საქართველოში ექსტრადირების სამართლებრივი მექანიზმი არ არსებობს, თუმცა რას შეეცდება ორი ქვეყნს ოლიგარქიული რეჟიმი და ამ ორი ქვეყნის პროკურატურა, ამის ვარაუდი გაგვიჭირდება “ - არნიშნა ადვოკატმა.

„ნიუპოსტისთვის“ ცნობილი გახდა, რომ 11 იანვარს საქართველოდან უკრაინაში შოთაძის უწყების 5 მაღალჩინოსანი ჩაფრინდა. გიორგი გრძელიშვილი გენერალურ პროკურორს იური ლუცენკოს პირადად შეხვდა და მათ სააკაშვილის საკითხი განიხილეს.

,,ნიუპოსტი" დეტალებისთვის გიორგი გრძელიშვილს დაუკავშირდა, რომელმაცვიზიტი დაადასტურა, მაგრამ დეტალებზე საუბრისგან თავი შეიკავა.